Amit Shah | (Photo credit : Facebook)

केंद्रीय गृहमंत्री आणि भाजपचे ज्येष्ठ नेते अमित शाह (Amit Shah) 26 नोव्हेंबर रोजी संविधान दिनानिमित्त पुणे महानगरपालिकेच्या (PMC) मुख्यालयाला भेट देणार आहेत. त्यांच्या दौऱ्यादरम्यान शाह पीएमसीच्या विस्तारित मुख्य इमारतीच्या प्रवेशद्वारावरील बाबासाहेब आंबेडकर यांच्या पुतळ्याचे अनावरण करतील. नागरी मुख्यालयाच्या आवारातील बागेत छत्रपती शिवाजी महाराजांचे स्मारक उभारण्यासाठी पायाभरणीही ते करणार आहेत. त्यानंतर ते गणेश कला क्रीडा मंच येथे कार्यकर्त्यांना संबोधित करतील. त्यांचा हा दौरा आगामी निवडणुकीसाठी भाजप (BJP) कार्यकर्त्यांना बळ देणारा ठरणार आहे. निवडणुकीतील यशाच्या दिशेने हे एक पाऊल असेल, गणेश बिडकर म्हणाले.

केंद्रीय मंत्री अमित शहा यांची नागरी मुख्य इमारतीला भेट हे सूचित करते की भाजप आगामी पीएमसी निवडणूक लढवण्यासाठी सर्वतोपरी प्रयत्न करणार आहे. केंद्रीय मंत्री आत्तापर्यंत जिथे जिथे गेले तिथे भाजपचा विजय निश्चित झाला आहे, असे पीएमसीमधील भाजपचे नेते गणेश बिडकर म्हणाले. केंद्रीय गृहमंत्रीपदाची सूत्रे हाती घेतल्यानंतर शहा यांचा हा पहिलाच शहर दौरा असल्याने याला विशेष महत्त्व असल्याचे शहर भाजपचे प्रमुख जगदीश मुळीक यांनी सांगितले.

ते प्रथम मांजरी येथील वसंतदादा शुगर इन्स्टिट्यूटला भेट देतील आणि नंतर पीएमसीला भेट देतील. माजी मुख्यमंत्री देवेंद्र फडणवीस आणि भाजपचे प्रदेशाध्यक्ष चंद्रकांत पाटील हे गणेश कला क्रीडा मंच येथे पक्षाच्या मेळाव्यासाठी प्रमुख पाहुणे असतील, जिथे शाह पक्ष कार्यकर्त्यांना संबोधित करणार आहेत. हेही वाचा Sameer Wankhede Case: नवाब मलिकांविरोधात समीर वानखेडे यांच्या वडिलांनी दाखल केलेल्या मानहानीच्या दाव्यावर 22 नोव्हेंबरला होणार सुनावणी

PMC च्या सर्वसाधारण सभेचा विद्यमान पाच वर्षांचा कार्यकाळ 15 फेब्रुवारी रोजी संपत आहे आणि नागरी निवडणुका पुढील वर्षाच्या सुरुवातीला होणे अपेक्षित आहे.  आगामी निवडणुकीत भाजपच्या शहर युनिटला महाविकास आघाडी आणि मुख्यत: राष्ट्रवादीकडून तगडे आव्हान आहे. 2017 मध्ये सत्ताधारी राष्ट्रवादीची हकालपट्टी करून भाजप प्रथमच पीएमसीमध्ये सत्तेवर आला होता.