Ulhasnagar Building Collapsed Update: उल्हासनगर मधील साई शक्ती इमारत दुर्घटनेतील मृतांचा आकडा वाढला; कुटुंबियांना 5 लाखांची मदत जाहीर
उल्हासनगर मधील नेहरू चौक येथील साई सिद्धी या पाच मजली इमारतीचा स्लॅब कोसळून झालेल्या दृर्घटनेतील मृतांचा आकडा वाढला आहे. आतापर्यंत 7 जणांच्या मृत्यूची नोंद झाली आहे तर एक जण गंभीर जखमी असून त्याच्यावर ठाणे इथल्या रुग्णालयात उपचार सुरु आहेत.
उल्हासनगर (Ulhasnagar) मधील नेहरू चौक येथील साई सिद्धी (Sai Shakti) या पाच मजली इमारतीचा स्लॅब कोसळून झालेल्या दृर्घटनेतील मृतांचा आकडा वाढला आहे. आतापर्यंत 7 जणांच्या मृत्यूची नोंद झाली आहे तर एक जण गंभीर जखमी असून त्याच्यावर ठाण्यामधील रुग्णालयात उपचार सुरु आहेत. मृतांमधील चार जण एकाच कुटुंबातील असल्याची माहिती समोर येत आहे. पालकमंत्री एकनाथ शिंदे (Guardian Minister Eknath Shinde) यांनी घटनास्थळी भेट देत पाहाणी केली. त्यानंतर दुर्घटनेत मृत पावलेल्या नागरिकांच्या कुटुंबियांना 5 लाखांची मदत जाहीर केली आहे. (Ulhasnagar Building Collapse: उल्हासनगर मध्ये इमारतीचा स्लॅब कोसळून 5 जणांचा मृत्यू; बचावकार्य सुरु)
ढिगाऱ्या खालून सुखरूप बाहेर काढलेल्या नागरिकांना जखमींना तातडीने रुग्णालयात दाखल करण्यात आले असून इतर रहिवाशांना सुरक्षित ठिकाणी हलवण्याचे आदेश त्यांनी दिले आहेत. तसंच धोकादायक पद्धतीने उभारण्यात आलेल्या इमारतीच्या बिल्डरविरोधात कारवाई करण्याचा सूचनाही त्यांनी पालिका आयुक्तांना दिल्या आहेत.
एकनाथ शिंदे ट्विट्स:
नेहरू चौक, उल्हासनगर येथील साई सिद्धी या पाच मजली इमारतीचा पाचव्या मजल्या पासून पहिल्या मजल्या पर्यंतचा स्लॅब तळ मजल्यावर कोसळून झालेल्या दुर्घटनेची माहिती मिळताच तातडीने घटनास्थळी पोहोचत सुरु असलेल्या मदत आणि बचाव कार्याची पाहणी केली. pic.twitter.com/d9cuvvcszA
— Eknath Shinde - एकनाथ शिंदे (@mieknathshinde) May 28, 2021
ढिगाऱ्या खालून सुखरूप बाहेर काढलेल्या नागरिकांना जखमींना तातडीने रुग्णालयात दाखल करण्यात आले असून इतर रहिवाशांना सुरक्षित ठिकाणी हलवण्याचे आदेश दिले आहेत. या दुर्घटनेतील जखमी नागरिकांना मृत पावलेल्या नागरिकांच्या कुटुंबियांना राज्य शासनाच्या वतीने रु.५ लाखांची मदत केली जाणार आहे.
— Eknath Shinde - एकनाथ शिंदे (@mieknathshinde) May 28, 2021
काल रात्री या इमारतीचा स्लॅब कोसळून ही दृर्घटना घडली. घटनेची माहिती मिळताच पोलिस, अग्निशमन दल आणि रेस्क्यू टीम घटनास्थळी दाखल झाले आणि त्यांनी बचावकार्याला सुरुवात केली. दरम्यान, काही दिवसांपूर्वीच उल्हासनगरमध्ये मोहिनी पॅलेस इमारत कोसळून 4 जणांचा मृत्यू झाला होता.
(The above story first appeared on LatestLY on May 29, 2021 08:59 AM IST. For more news and updates on politics, world, sports, entertainment and lifestyle, log on to our website latestly.com).
