Uddhav Thackeray Statement: उद्धव ठाकरेंनी केले नितीश कुमार यांचे कौतुक, भाजपवरही साधला निशाणा, केलं 'असं' वक्तव्य

महाराष्ट्राचे माजी मुख्यमंत्री उद्धव ठाकरे (Uddhav Thackeray) यांनी बिहारचे मुख्यमंत्री नितीश कुमार (Nitish Kumar) यांचे कौतुक केले आहे. शिवसेनेच्या माजी नगरसेवकांच्या बैठकीत उद्धव ठाकरे यांनी मुख्यमंत्री नितीश कुमार यांचे बिहारमधील बदलाबद्दल अभिनंदन केले. ते म्हणाले की, भाजप विरोधी पक्षांसमोरील मित्रांना संपवण्याचे काम करते. ही गोष्ट मला 2019 मध्येच समजली, म्हणूनच मी माझा वेगळा मार्ग निवडला. त्याचबरोबर एकनाथ शिंदे (Eknath Shinde) यांच्यासोबत गेलेले आमदार निवडणूक जिंकल्यानंतर येऊ शकत नाहीत, असेही ते म्हणाले. विशेष म्हणजे नितीश कुमार यांचा पक्ष जेडीयूने बिहारमध्ये भाजपसोबतची युती तोडली आहे.

नितीश कुमार यांनी भाजपवर आपल्या मित्रपक्षांचा अपमान केल्याचा आणि कट रचून जेडीयू तोडण्याचा प्रयत्न केल्याचा आरोप केला. त्यानंतर बिहारमध्ये सत्तापरिवर्तन झाले आणि नितीश कुमार यांनी मुख्यमंत्रिपदाचा राजीनामा दिला. भाजपशी संबंध तोडून नितीश कुमार यांनी महाआघाडीसोबत युती केली. बुधवारी नितीश कुमार यांनी बिहारच्या मुख्यमंत्रीपदाची तर तेजस्वी यादव यांनी उपमुख्यमंत्रीपदाची शपथ घेतली.

शिवसेनेच्या अनेक आमदारांनी एकनाथ शिंदे यांच्या नेतृत्वाखाली बंड केले, त्यानंतर एमव्हीए सरकार पडले आणि उद्धव ठाकरेंना मुख्यमंत्रीपदाचा राजीनामा द्यावा लागला. त्यानंतर एकनाथ शिंदे यांनी भाजपसोबत सरकार स्थापन केले. ज्यामध्ये  एकनाथ शिंदे मुख्यमंत्री आणि भाजप नेते देवेंद्र फडणीस उपमुख्यमंत्री झाले. हेही वाचा Udayanraje Bhosale On Shiv Sena: शिवसेना पक्षातील घडामोडींवरुन उदयनराजे भोसले यांचा उद्धव ठाकरे यांना टोला

2019 मध्ये भाजपसोबत अडीच वर्षे मुख्यमंत्रीपदाची चर्चा होती, पण नंतर त्यांनी दिलेले आश्वासन पाळले नाही, असा आरोप उद्धव ठाकरेंनी भाजपवर केला होता.  त्यामुळेच आम्ही महाविकास आघाडीचे सरकार स्थापन केले. ते म्हणाले की, भाजप आपल्या मित्रांना संपवण्याचे काम करते.

(The above story first appeared on LatestLY on Aug 12, 2022 06:13 PM IST. For more news and updates on politics, world, sports, entertainment and lifestyle, log on to our website latestly.com).