Child Death | (Photo credit: archived, edited, representative image)

Latur Shocker: पोलिस अधिकारी होण्याचे अनेकांचे स्वप्न असते. पोलिस अधिकारी होण्यासाठी अनेक तरुण अहोरात्र मेहनत करतात. काही जणांचे पोलिस अधिकारी होण्याचे स्वप्न पूर्ण होते ही परंतु काहींच्या पदरी निराशा येते. मेहनत करूनही केवळ 2  गुणांमुळे भरती होऊ न शकल्याने एका तरुणाने आत्महत्या केल्याची धक्कादायक घटना समोर आली आहे. लातूरच्या औसा तालुक्यातील बोरफळ गावातून ही हृदयद्रावक घटना उघडकीस आली आहे. नागेश यादव असे मृत तरुणाचे नाव असून त्याचे वय अवघे २३ वर्षे होते. मृत्यूपूर्वी त्यांनी एक पत्रही लिहिले होते ज्यात लिहिले होते की, 'आरक्षण असतं तर मला पोलीस भरतीत नोकरी मिळाली असती, आई मला माफ कर. नागेशने  अनेकवेळा प्रयत्न करूनही त्याचे स्वप्न पूर्ण होऊ शकले नाही. यावेळी २ गुणांमुळे त्याला नोकरी मिळू शकली नाही. त्यामुळे तो खूप हताश झाला होता.  नागेशने शेतात जाऊन गळफास घेऊन आत्महत्या केली. त्यानंतर त्याने आईला पत्रही लिहिलं होतं.

 नागेश यादव यांच्या घराची अवस्था अत्यंत वाईट होती. त्यांच्या कुटुंबाकडे केवळ एक एकर जमीन आहे. मुलाला पोलीस अधिकारी बनवण्यासाठी त्याच्या आईने खूप मेहनत घेतली आणि पैसे खर्च केले. पाच ते सहा परीक्षांमध्ये एक-दोन गुण कमी मिळाल्याने त्याची निवड झाली नसल्याची माहिती आहे. यावेळी नागेश वेटिंग लिस्टवर होता, पण पुन्हा २ गुणांमुळे त्याचे स्वप्न अपूर्ण राहिले. त्यामुळे नागेश नैराश्यात गेला आणि त्याने आत्महत्या केली. नागेश कोणालाही न सांगता आपल्या शेतात गेला. त्याने शेतातील झाडाला गळफास घेऊन जीवन संपवले. नागेशच्या आत्महत्येने त्याच्या कुटुंबाला मोठा धक्का बसला आहे.

डिस्क्लेमर: जर कोणाला मानसिक त्रास होत असेल तर खाली दिलेल्या क्रमांकावर नक्की संपर्क करा.

आत्महत्या प्रतिबंध आणि मानसिक आरोग्य हेल्पलाइन क्रमांक: टेली-मन्नस (आरोग्य मंत्रालय) - 14416 किंवा 1800 891 4416; निमहंस – +91 80 26995000/5100/5200/5300/5400; पीक माइंड - 080-456 87786; वंद्रेवाला फाउंडेशन - 9999 666 555; अर्पिता आत्महत्या प्रतिबंधक हेल्पलाइन – 080-23655557; आयकॉल - 022-25521111 आणि 9152987821; सीओओजे मेंटल हेल्थ फाउंडेशन (सीओओजे) - 0832-2252525.