Arrested

मुंबईतील बोरिवलीच्या (Borivali) गव्हर्नमेंट रेल्वे पोलिसांनी (GRP) चोरीच्या एका अनोख्या प्रकरणाची उकल केली आहे. एका प्रेयसीने (Girlfriend) प्रियकराला (Lover) खूश करण्यासाठी आणि लग्नाच्या प्रस्तावादरम्यान गिफ्ट देण्यासाठी ही चोरी केली आहे. मात्र त्यापूर्वीच पोलिसांनी महिलेला अटक (Arrested) केली आहे.  बोरिवली रेल्वे स्थानकाचे (Borivali Railway Station) जीआरपी अनिल कदम यांनी सांगितले की, मुंबईच्या रेल्वे पोलिसांनी पकडलेल्या तरुणीचे नाव 35 वर्षीय शलाका सुरेश गवस आहे. शलाकाला तिच्या प्रियकराशी लग्न करायचे होते आणि तिने गोव्यातील तिच्या प्रियकराला प्रपोजही केले. शलाकाने त्याला खूश करण्यासाठी एक महागडा DSLR कॅमेरा भेट दिला.

बोरिवली रेल्वे स्थानकाचे जीआरपी अनिल कदम यांनी सांगितले की, शलाका गोव्यात व्यवसाय करून तिच्या प्रियकराशी लग्न करण्याचा विचार करत होती, परंतु लग्नापूर्वीच मुंबईच्या रेल्वे पोलिसांनी तिला गोव्यातून अटक केली. शलाकाने यापूर्वीही अनेक फसवणूक आणि चोरी केल्या होत्या, परंतु यावेळी ते महिलेला चांगलेच महागात पडले. जीआरपीने शलाकाला गोव्यातील एका रेस्टॉरंटमधून अटक केली. हेही वाचा  Aditya Thackeray Statement: एक नवीन आणि मजबूत शिवसेना तयार होत आहे, आदित्य ठाकरेंचे वक्तव्य

जीआरपीचे वरिष्ठ पोलिस निरीक्षक अनिल कदम यांनी दिलेल्या माहितीनुसार, 35 वर्षीय आरोपी शलाका आणि तिच्या गोव्यातील प्रियकराने लग्नाचा निर्णय घेतला होता.प्रत्यक्षात आरोपी शलाकाने 2022 मध्ये नोकरीच्या शोधात भटकणाऱ्या महिलेची फसवणूक केली. शलाकाने पीडितेला मालाड रेल्वे स्थानकावर भेटण्यासाठी बोलावले आणि तिला नोकरी मिळवून देऊ, पण त्याआधी कॅमेरा लागेल असे सांगितले.

नोकरी मिळवण्यासाठी पीडितेने पवई येथून कॅनन कंपनीचा कॅमेरा आणला, ज्याची किंमत सुमारे दीड लाख रुपये आहे. दोघी पुन्हा एकदा मालाड स्टेशनवर भेटल्या आणि कॅमेरा शलाकाला दिला आणि ती बेपत्ता झाली. याबाबत पीडितेने बोरिवली जीआरपीकडे तक्रार केली होती. या महिलेवर महाराष्ट्रातील विविध पोलीस ठाण्यात डझनभर गुन्हे दाखल आहेत.