QuickLY
Socially
मुंबई : गणेशोत्सवाच्या काळात मुंबईतील अनेक मंडळांमध्ये 24 तास दर्शन खुलं असतं. त्यामुळे भाविकांची होणारी गर्दी पाहाता रेल्वेने मुंबई लोकल्सच्या संख्येमध्ये वाढ केली आहे. यंदा दहा दिवसाच्या गणपती विसर्जनाला म्हणजेच अनंत चतुर्दशीला रविवार आल्याने मोठ्या प्रमाणात भाविक बाहेर पडण्याची शक्यता आहे. मुंबईतील 'या' लोकप्रिय गणपती मंडळांना नक्की भेट द्या !
23 सप्टेंबरचा मेगाब्लॉक
अनंत चतुर्दशीला दहा दिवसांच्या गणपतींचं विसर्जन होणार आहे. या दिवशी उसळणारी गर्दी लक्षात घेता रेल्वेने तिन्ही मार्गावरील मेगाब्लॉक रद्द केला आहे. त्यामुळे रविवारी गणेशभक्त मुंबईत रेल्वेने प्रवास करू शकतात.
To facilitate movement of large crowd expected for immersion of idols of Lord Ganesh, there will be no Mega block on Central Railway's Main line, Harbour and Transharbour on Sunday the 23rd September 2018.
— Central Railway (@Central_Railway) September 18, 2018
मुंबई लोकल्सच्या फेर्‍या वाढवल्या
18 सप्टेंबरपासून पुढील पाच दिवस म्हणजे 22 सप्टेंबर 2018 पर्यंत भाविकांच्या सोयीसाठी सीएसएमटी ते कल्याण दरम्यान अधिक ट्रेन चालवल्या जाणार आहेत. रात्री सीएसएमटीवरून 1.30 वाजता सुटणारी ट्रेन 3 वाजता कल्याण स्ट्रेशनमध्ये पोहचणार आहे.
पश्चिम रेल्वेवरही चर्चगेट ते विरार दरम्यान लोकल्सच्या फेर्‍या वाढवल्या आहेत. अनंत चतुर्दशीला होणारी गर्दी पाहता 23, आणि 24 सप्टेंबरच्या रात्री अधिक ट्रेन चालवल्या जाणार आहेत. रात्री 1.15 ला सुटणारी ट्रेन 2.50 ला विरार स्टेशनला पोहचेल. तर शेवटची ट्रेन पहाटे 3.20 ला सुटून 4.58 ला विरारला पोहचेल. रात्री 12 नंतरही पश्चिम रेल्वे मार्गावर खास रेल्वे व्यवस्था सुरू राहणार आहे. विरार ते चर्चगेटदरम्यान धावणारी पहिली विशेष ट्रेन रात्री 12.15ची असेल जी चर्चगेटला 1.52 ला पोहचेल. तर विरारहून सुटणारी शेवटची ट्रेन पहाते 3ची असेल जी चर्चगेटला 4.40ला पोहचेल.
