QuickLY
Socially
बँक ऑफ महाराष्ट्रने (Bank of Maharashtra) स्केल II आणि स्केल III मध्ये अधिकाऱ्यांच्या भरतीसाठी अधिसूचना जारी केली आहे. इच्छुक उमेदवार या पदांसाठी गुरुवार 13 जुलैपासून Bankofmaharashtra.in या अधिकृत वेबसाइटला भेट देऊन अर्ज करू शकतात. अर्ज करण्याची अंतिम तारीख 25 जुलै 2023 आहे. या भरती मोहिमेचे उद्दिष्ट बँक ऑफ महाराष्ट्र मधील एकूण 400 रिक्त पदे भरण्याचे आहे त्यापैकी 100 रिक्त पदे अधिकारी श्रेणी III साठी आहेत आणि 300 रिक्त पदे अधिकारी श्रेणी II साठी आहेत.
अर्ज फी-
या पदांसाठी UR/EWS/OBC प्रवर्गातील उमेदवारांना 1180 रुपये अर्ज शुल्क भरावे लागेल, तर SC/ST उमेदवारांसाठी नोंदणी शुल्क रुपये 118 आहे. शुल्क फक्त ऑनलाइन पद्धतीने भरावे. अधिक संबंधित तपशीलांसाठी उमेदवार बँक ऑफ महाराष्ट्रची अधिकृत साइट पाहू शकतात.
वय श्रेणी-
स्केल II साठी 31 मार्च 2023 रोजी उमेदवारांचे वय किमान 25 वर्षे आणि कमाल 35 वर्षे आणि स्केल III साठी 25 ते 38 वर्षे असावे, असे निश्चित करण्यात आले आहे. राखीव श्रेणीतील उमेदवारांसाठीही उच्च वयाची सूट लागू आहे.
अनुभव-
स्केल 2 अधिकारी पदासाठी तीन वर्षांचा अनुभव आणि स्केल 3 अधिकारी पदासाठी 5 वर्षांचा अनुभव गरजेचा आहे.
Bank of Maharashtra to recruit for 400 Officer Scale II & III posts, apply from July 13https://t.co/xBV2tDPfyq pic.twitter.com/niBmlw1r2T
— Hindustan Times (@htTweets) July 12, 2023
शैक्षणिक पात्रता-
ज्या उमेदवारांना या पदांसाठी अर्ज करायचा आहे त्यांच्याकडे, भारत सरकारद्वारे मान्यताप्राप्त विद्यापीठ किंवा संस्थेतून सर्व सेमिस्टर/वर्षांच्या एकूण किमान 60% गुणांसह कोणत्याही विषयातील पदवीधर पदवी असणे आवश्यक आहे. (हेही वाचा; MMRCL Recruitment 2023: मुंबई मेट्रोमध्ये काम करण्याची उत्तम संधी: mmrcl.com वर व्यवस्थापकीय आणि इतर पदांसाठी अर्ज प्रक्रिया सुरू)
निवड प्रक्रिया-
उमेदवारांची निवड ऑनलाइन चाचणी आणि वैयक्तिक मुलाखतीद्वारे केली जाईल. ऑनलाइन परीक्षा आणि मुलाखतीसाठी गुणांचे वाटप 150 आणि 100 आहे जे 75:25 मध्ये रूपांतरित केले जाईल. निवडलेले उमेदवार सामील झाल्याच्या तारखेपासून 02 वर्षांच्या बाँडवर स्वाक्षरी करतील. तसेच निवडलेले उमेदवार 06 महिन्यांच्या प्रोबेशन कालावधीवर असतील.
