औरंगाबाद: सिडको N1 परिसरातील बिबट्याची दहशत 6 तासांनी संपली; वनअधिकार्‍यांनी डार्ट मारून केले बेशुद्ध
Leopard | Photo credits: Twitter/ ANI

औरंगाबाद येथील सिडको वसाहती आज (3 डिसेंबर) सकाळी घुसलेल्या बिबट्या अखेर सहा तासाहून अधिक वेळाच्या शोधकार्यानंतर जेरबंद करण्यात वन विभागाच्या अधिकार्‍यांना यश आलं आहे. प्रसंगावधान राखत जाळीमध्ये अडकवून बिबट्याला पकडण्यात यश आलं आहे. औरंगाबाद शहरातील उच्चभ्रू भागात असलेल्या सिडको Cidco N1 परिसरात बिबट्या पाहिल्यानंतर नागरिकांमध्ये भीतीचं वातावरण निर्माण झालं होतं. औरंगाबाद: Cidco N1 परिसरात बिबट्या दिसल्याने नागरिकांमध्ये भीतीचंं वातावरण; वनविभागाकडून शोध सुरू

 मॉर्निंग वॉकला बाहेर पडलेल्या काहींना बिबट्या दिसला. त्याला पाहताच नागरिकांनी तात्काळ वनविभागाला तात्काळ कळवलं सिडकोमध्ये बिबट्या आढळल्याचं वृत्त समजताच वन विभाग आणि पोलिस प्रशासनातील अधिकार्‍यांनी शोधाशोध सुरू केली. बिबट्या एका बंगल्याजवळ लपल्याची माहिती समोर आली. त्यानंतर वनविभागाने त्याला जाळ्यामध्ये अडकवण्यासाठी प्रयत्न सुरू केले. वनाधिकार्‍यांनी डार्ट मारून त्याला बेशुद्ध केलं.

दरम्यान मानवी वस्तीमध्ये बिबट्या आढळल्याची ही पहिली घटना नव्हे. यापूर्वी ठाणे, विक्रोळी परिसरात अशाप्रकारे बिबट्या सोसायटी, मॉल सारख्या रहदारीच्या, वर्दळीच्या ठिकाणी दिसला होता. त्यावेळेस वन विभागाने अशाप्रकारेच शिताफीने बिबट्याला जेरबंद केलं होतं.