Thane Crime: ठाण्यात शुल्लक कारणांवरून अल्पवयीन मुलांमध्ये वाद, भांडणातून 15 वर्षीय मुलावर चाकूचे वार करत हत्या
dead body | (Photo Credit: Archived, Edited, Symbolic Images)

ठाण्यातील (Thane) वागळे इस्टेटमध्ये (Wagle Estate) वर्गमित्रांमध्ये झालेल्या भांडणात मध्यस्थी करणाऱ्या दहावीच्या एका 15 वर्षीय विद्यार्थ्याची मंगळवारी वार करून हत्या (Murder) करण्यात आली आहे. ठाणे पश्चिमेतील वागळे इस्टेट पोलिसांनी (Thane Police) ज्यांच्या हद्दीत ही घटना घडली, त्यांनी खुनाचा गुन्हा दाखल करून तीन विद्यार्थ्यांना ताब्यात घेतले आहे. मृत ठाणे महापालिका परिवहन (TMT) कर्मचाऱ्याचा मुलगा होता. यात चार आरोपी आहेत आणि घटना सीसीटीव्ही कॅमेऱ्यात रेकॉर्ड झाली आहे. ज्याच्या आधारे आम्ही तीन आरोपींना ताब्यात घेतले आहे आणि चौथ्याचा शोध सुरू आहे, जो फरार आहे. त्यांनी हल्ल्यात वापरलेला चाकूही जप्त केला आहे, असे एका पोलिस अधिकाऱ्याने सांगितले.

पोलिसांनी दिलेल्या माहितीनुसार, ठाणे पश्चिमेतील शाहू महाराज शाळेच्या मागे मंगळवारी दुपारी एक वाजता ही घटना घडली. पोलिसांनी सांगितले की, अल्पवयीन आरोपी हा काही दिवसांपूर्वीच शाळेत रुजू झाला होता आणि त्याचा दुसऱ्या वर्गमित्राशी वाद झाला होता. सोमवारी आरोपीला त्याच्या एका वर्गमित्राने थप्पड मारली होती, असे पोलिसांनी सांगितले. हेही वाचा Bhiwandi Crime: भिवंडीमध्ये खाद्यपदार्थांच्या गाडीवर कॅश बॉक्स चोरण्याचा प्रयत्न करणाऱ्या व्यक्तीला जमावाचा बेदम चोप, मारहाणीत मृत्यू, चार जणांना अटक

पोलिसांनी सांगितले की, मंगळवारी चार विद्यार्थ्यांचा एक गट शाळेच्या मागे जमा झाला तेव्हा संघर्ष वाढला. एका मुलाने चाकू काढला आणि दुसऱ्या विद्यार्थ्यावर हल्ला केला, असे पोलिसांनी सांगितले. या गटाचा भाग असलेल्या मृताने हस्तक्षेप करण्याचा प्रयत्न केला आणि त्याच्या छातीवर वार करण्यात आला, असे पोलिसांनी सांगितले.  हल्ल्यानंतर, मृताला सोडून तीन विद्यार्थी घटनास्थळावरून पळून गेले. तो शाळेच्या मागे असलेल्या नाल्याजवळ तो रक्ताच्या थारोळ्यात मृतावस्थेत आढळला, असे पोलिसांनी सांगितले.

या विद्यार्थ्यांना त्यांच्या घरातून ताब्यात घेण्यात आल्याचे पोलिसांनी सांगितले. ते सर्व एकाच वर्गातील अल्पवयीन आहेत आणि एका क्षुल्लक मुद्द्यावरून भांडण सुरू झाले. आम्ही एफआयआर नोंदवला असून या गुन्ह्यात सहभागी असलेल्या तीन अल्पवयीन मुलांना ताब्यात घेतले आहे. त्यांना बुधवारी बालसुधारगृहात हजर केले जाईल, असे एका पोलीस अधिकाऱ्याने सांगितले.