Thane Crime: ठाण्यात शुल्लक कारणांवरून अल्पवयीन मुलांमध्ये वाद, भांडणातून 15 वर्षीय मुलावर चाकूचे वार करत हत्या

पोलिसांनी दिलेल्या माहितीनुसार, ठाणे पश्चिमेतील शाहू महाराज शाळेच्या मागे मंगळवारी दुपारी एक वाजता ही घटना घडली. पोलिसांनी सांगितले की, अल्पवयीन आरोपी हा काही दिवसांपूर्वीच शाळेत रुजू झाला होता आणि त्याचा दुसऱ्या वर्गमित्राशी वाद झाला होता. सोमवारी आरोपीला त्याच्या एका वर्गमित्राने थप्पड मारली होती, असे पोलिसांनी सांगितले. हेही वाचा Bhiwandi Crime: भिवंडीमध्ये खाद्यपदार्थांच्या गाडीवर कॅश बॉक्स चोरण्याचा प्रयत्न करणाऱ्या व्यक्तीला जमावाचा बेदम चोप, मारहाणीत मृत्यू, चार जणांना अटक

पोलिसांनी सांगितले की, मंगळवारी चार विद्यार्थ्यांचा एक गट शाळेच्या मागे जमा झाला तेव्हा संघर्ष वाढला. एका मुलाने चाकू काढला आणि दुसऱ्या विद्यार्थ्यावर हल्ला केला, असे पोलिसांनी सांगितले. या गटाचा भाग असलेल्या मृताने हस्तक्षेप करण्याचा प्रयत्न केला आणि त्याच्या छातीवर वार करण्यात आला, असे पोलिसांनी सांगितले.  हल्ल्यानंतर, मृताला सोडून तीन विद्यार्थी घटनास्थळावरून पळून गेले. तो शाळेच्या मागे असलेल्या नाल्याजवळ तो रक्ताच्या थारोळ्यात मृतावस्थेत आढळला, असे पोलिसांनी सांगितले.

या विद्यार्थ्यांना त्यांच्या घरातून ताब्यात घेण्यात आल्याचे पोलिसांनी सांगितले. ते सर्व एकाच वर्गातील अल्पवयीन आहेत आणि एका क्षुल्लक मुद्द्यावरून भांडण सुरू झाले. आम्ही एफआयआर नोंदवला असून या गुन्ह्यात सहभागी असलेल्या तीन अल्पवयीन मुलांना ताब्यात घेतले आहे. त्यांना बुधवारी बालसुधारगृहात हजर केले जाईल, असे एका पोलीस अधिकाऱ्याने सांगितले.