Coronavirus Update in Maharashtra: महाराष्ट्रात मुंबई, ठाणे, पुण्यासह अन्य जिल्ह्यात किती आहेत COVID-19 चे रुग्ण? पाहा आजचे ताजे अपडेट्स

महाराष्ट्रात कोरोना व्हायरस (Coronavirus) रुग्णांच्या संख्येने दीड लाखांचा टप्पा पार केला आहे. तर देशात हाच आकडा साडे पाच लाखांच्या पार गेला आहे. यात सर्वाधिक रुग्ण महाराष्ट्र (Maharashtra) राज्यातच आहेत. राज्यात काल (30 जून) दिवसभरात 4,878 कोविड रुग्ण आढळले असून राज्यात कोरोना बाधितांची एकूण संख्या 1,74,761 अशी झाली आहे. काल नवीन 1951 कोरोना बाधित रुग्ण बरे झाले आहेत. आतापर्यंत एकूण 90,911 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 75,979 ऍक्टिव्ह रुग्ण आहेत. महाराष्ट्राचे आरोग्यमंत्री राजेश टोपे (Health Minister Rajesh Tope) यांनी याबाबत माहिती दिली. आज राज्यात 254 रुग्णांचा मृत्यू झाला आहे. तसेच मृत्यूदरापेक्षा रिकव्हरी रेट जास्त असल्याचेही आरोग्यमंत्र्यांनी सांगितले आहे.

महाराष्ट्रात सर्वाधिक रुग्ण हे मुंबईत असून त्यापाठोपाठ ठाणे, पुणे, पालघरमध्ये सर्वाधिक कोरोनाचे रुग्ण आहेत. कोरोनाबाधितांची संख्या 77 हजार 197 वर पोहचली आहे. यापैकी 4 हजार 554 रुग्णांचा मृत्यू झाला आहे. तर, 44 हजार 170 जणांनी कोरोनावर मात केली आहे.

पाहूयात महाराष्ट्रातील जिल्हानिहाय COVID-19 रुग्णांची आकडेवारी: (30 जून रात्री 9:00 पर्यंत)

आतापर्यंतच्या 9,66,723 नमुन्यांपैकी, 1,74,761 इतक्या नमुन्यांची (18.07 टक्के) कोरोना चाचणी सकारात्मक आली आहे. सध्या राज्यात 5,78, 033 लोक होम क्वारंटाईनमध्ये आहेत, 38,866 लोक संस्थात्मक क्वारंटाईनमध्ये आहेत अशी माहिती आरोग्यमंत्री राजेश टोपे यांनी दिली आहे.

(The above story first appeared on LatestLY on Jul 01, 2020 08:52 AM IST. For more news and updates on politics, world, sports, entertainment and lifestyle, log on to our website latestly.com).