विदेशातून आणलेले मास्क धुवून विक्री प्रकरणी भिवंडी, नारपोली येथे गुन्हा दाखल. इमरान शेख नावाच्या व्यक्तीवर हा गुन्हा दाखल झाला आहे. उघड्यावर फेकून दिलेले सर्व मास्क एकत्र करून त्यांची जैव वैद्यकीय पद्धतीने विल्हेवाट लावण्यासाठी ते पॉल्युशन बोर्डच्या ताब्यात देण्यात आले आहेत. 

सध्या महाराष्ट्र पोलीस दलात सुमारे सव्वादोन लाख अधिकारी-कर्मचारी आहेत. त्यापैकी 28 हजार म्हणजेच 15 टक्क्याच्या आसपास महिला कर्मचारी आहेत. महिला अधिकारी-कर्मचाऱ्यांचे हे प्रमाण 15 टक्क्यांहून 30 टक्क्यापर्यंत नेण्याच्या दृष्टीने राज्य शासन प्रयत्नशील असल्याची माहिती गृहमंत्र्यांनी दिली. 

कोरोना व्हायरसच्या पार्श्वभूमीवर मुंबई व पुणे आंतरराष्ट्रीय विमानतळावर 904 विमानांमधील 1 लाख 9 हजार 118 प्रवाशांची तपासणी झाली आहे. कोरोना व्हायरस संबंधित माहितीसाठी राज्य नियंत्रण कक्षाचा दूरध्वनी क्रमांक 020- 26127394, टोल फ्री क्रमांक 104 वर संपर्क साधता येणार असल्याची माहिती आरोग्यमंत्री राजेश टोपे यांनी दिली. 

कर्नाटकचे माजी राज्यपाल आणि माजी केंद्रीय कायदा मंत्री हंसराज भारद्वाज यांचे आज निधन झाले.

Hans Raj Bhardwaj, former Governor of Karnataka and former Union Law Minister, passed away today. pic.twitter.com/SW3srPxetO

— ANI (@ANI) March 8, 2020

कोरोना व्हायरसमुळे लेह लद्दाख मधील  शाळा 31 मार्च पर्यंत बंद राहणार असल्याचा निर्णय जिल्हा दंडाधिकाऱ्यांनी दिला आहे.

District Magistrate, Leh-Ladakh: In view of #Coronavirus, all schools within Leh district will remain closed till 31st March, as precautionary measure.

— ANI (@ANI) March 8, 2020

येस बँकेचे संस्थापक राणा कपूर यांना आज ईडीकडून पहाटेच्या वेळेस अटक करण्यात आली. त्यानंतर परिवाराला ईडीने नोटिस सुद्धा पाठवली. तर आता राणा कपूर यांची मुलगी रोशनी ही मुंबई सोडून लंडन येथे जाण्यासाठी निघाली असता तिला विमानतळावर अडवण्यात आले आहे.

#YesBank founder Rana Kapoor's daughter Roshni Kapoor stopped from leaving the country at Mumbai Airport. She was going to London by British Airways. pic.twitter.com/kLu6DYAn2j

— ANI (@ANI) March 8, 2020

नेदरलॅंड्स येथे कोरोना व्हायरसची 77 नवी प्रकरणे समोर आली आहेत.

BREAKING: The Netherlands reports 77 new cases of #coronavirus, raising the total in The Netherlands to 265 cases.

— SARS-CoV-2/COVID-19 watcher (@2019nCoVwatcher) March 8, 2020

हुबळी येथे जागतिक महिलादिनानिमित्त महिला कर्मचाऱ्याने ट्रेन चालवली आहे.

Karnataka: A special passenger train of South Western Railway zone with all women staff ran from Hubli to Dharwad, today. #WomensDay pic.twitter.com/qjUEGHEHbu

— ANI (@ANI) March 8, 2020

भोपाळ येथे ट्रक आणि स्कूटरमध्ये भीषण अपघात झाला असून चार जणांचा मृत्यू तर दोन जण गंभीर झाले आहेत.

Four killed, two injured after MUV collides with motorcycle and scooter near Bhopal in Madhya Pradesh: police

— Press Trust of India (@PTI_News) March 8, 2020

सर्व बँकांच्या कामावर सातत्याने लक्ष असल्याने ठेवीदारांचे पैसे सुरक्षित असल्याचे आरबीआयकडून स्पष्टीकरण देण्यात आले आहे.

RBI closely monitors all the banks and hereby assures all depositors that there is no such concern of safety of their deposits in any bank. (2/2)

— ReserveBankOfIndia (@RBI) March 8, 2020

तेलंगणमधील एका खासगी शाळेत 11 विद्यार्थिनींवर बलात्कार झाल्याचा धक्कादायक घटना उघडकीस आली आहे. या प्रकरणी एका शिक्षकाला अटक करण्यात आली आहे. हा नराधम शिक्षक विद्यार्थिंनींवर बलात्कार करण्यापूर्वी विद्यार्थिनींना दारू पाजत होता.  

महिलांच्या ट्वेन्टी-20 विश्वचषकाच्या अंतिम फेरीत भारताचा 85 धावांनी पराभव झाला आहे. ऑस्ट्रेलियाने भारतावर दमदार विजय मिळवत पाचव्यांदा विश्वचषकाला गवसणी घातली आहे. 

नाशिकच्या जिल्हा शासकीय रुग्णालयात पुन्हा एक कोरोना संशयित रुग्ण दाखल झाला आहे. हा रुग्ण न्यूझीलंडहून भारतात परतला होता. हा रुग्ण मूळचा नवी मुंबईच्या वाशी उपनगरातील रहिवासी आहे. त्याला सर्दी आणि घसा दुःखीचा त्रास जाणवत असल्याने रुग्णालयात दाखल करण्यात आले आहे. 

अयोध्येतील श्रीराम मंदिराचे 30 एप्रिलरोजी भूमिपूजन करण्यात येणार आहे. यासंदर्भात गोविंदगिरी महाराज यांनी माहिती दिली आहे. 

मिलिंद एकबोटे राज ठाकरे यांच्या भेटीला, छत्रपती संभाजी महाराज यांच्या पुण्यतिथीनिमित्त 24 मार्चला होणाऱ्या कार्यक्रमाचे निमंत्रण देण्यात आले आहे. तर धर्मवीर संभाजी महाराज स्मृती समितीतर्फे हे निमंत्रण मिलिंद एकबोटे यांना दिले आहे.

राष्ट्रवादी काँग्रेस पार्टीचे प्रदेशाध्यक्ष आणि राज्याचे जलसंपदा मंत्री जयंत पाटील आज जागतिक महिला दिनाचे औचित्य साधून दुपारी 2 ते 3 वाजेपर्यंत फेसबुकद्वारे महिलांशी संवाद साधणार आहे. तसेच राज्यातील कर्तृत्ववान महिलांच्या कार्याचा गौरवही करणार आहे.

केरळामध्ये कोरोना व्हायरची लागण झालेले नवे 5 रुग्ण आढळले आहेत. केरळच्या आरोग्यमंत्री के. के. शैलजा यांनी यासंदर्भात माहिती दिली आहे. त्यामुळे भारतातील करोना रग्णांची संख्या 39 वर पोहोचली आहे. 

जागतिक महिला दिनानिमित्त सीएसएमटी-कल्याण लोकल महिला मोटरमन ने चालवली

Ms. Mumtaz Kazi, motorwoman piloting CSMT-Kalyan local on the occasion of #HappyWomensDay2020#SheInspiresUs #EachforEqual @RailMinIndia @drmmumbaicr pic.twitter.com/H58PDebkUk

— Central Railway (@Central_Railway) March 8, 2020

मुख्यमंत्री उद्धव ठाकरे यांनी महाराष्ट्रातील तमाम माता भगिनींना जागतिक महिला दिनाच्या शुभेच्छा दिल्या आहेत.

महाराष्ट्रातील तमाम माता भगिनींना जागतिक महिला दिनाच्या मनःपूर्वक शुभेच्छा!#InternationalWomensDay pic.twitter.com/vRg2o0WznK

— CMO Maharashtra (@CMOMaharashtra) March 8, 2020

महाराष्ट्र नव निर्माण सेनेचा उद्या म्हणजेच सोमवारी वर्धापन दिन आहे. या निमित्ताने मनसे प्रमुख राज ठाकरे कार्यकर्त्यांना संबोधित करणार आहेत. तसेच सोमवारी नवी मुंबईत होणाऱ्या कार्यक्रमात मनसेकडून शॅडो कॅबिनेटची घोषणा होण्याची शक्यताही वर्तवण्यात येत आहे. 

 रत्नागिरी शहरातील प्रसिद्ध निष्कर्ष डायग्नोस्टीक सेंटरला आग लागल्याची घटना घडली आहे. त्यामुळे या सेंटरमधील सर्व यंत्रणा जळून खाक झाल्या आहेत. त्यामुळे मोठे नुकसान झाले आहे. आज सकाळी 7.30 च्या सुमारास ही घटना घडली.

येस बँकेच्या खातेधारकांना कोणत्याही बँकेच्या एटीएममधून रोख रक्कम काढता येणार आहे. या निर्णयामुळे येस बँक खातेदाराला दिलासा मिळाला आहे. या संदर्भात एक पत्रक प्रसिद्ध करण्यात आले आहे. शनिवारी मध्यरात्री येस बॅँकेचे संस्थापक राणा कपूर यांना सक्तवसुली संचालनालयाने अटक केली. 

विरारमध्ये महिला पोलीस अधिकाऱ्यावर गोळीबार करण्यात आल्याची घटना घडली आहे. स्थानिक गुन्हे अन्वेषन विभागाच्या नालासोपारा युनिटच्या सहाय्यक पोलीस निरीक्षक सिद्धवा जायभाये यांच्या गाडीवर अज्ञाताकडून गोळीबार करण्यात आला आहे. या घटनेनंतर आरोपी घटनास्थळावरून फरार झाला आहे. 

येस बँकेचे संस्थापक राणा कपूर यांना अंमलबजावणी संचालनालयाने तब्बल 30 तासांच्या चौकशीनंतर अटक केली आहे. येस बँक घोटाळा उघड झाल्यानंतर ईडीने शुक्रवारी रात्री राणा कपूर यांच्या घरावर छापा टाकला होता. त्यानंतर त्यांची शनिवारी दिवसभर चौकशी करण्यात आली होती. त्यानंतर शनिवारी मध्यरात्रीनंतर कपूर यांना अटक करण्यात आली आहे. आज सकाळी 11 वाजता कपूर यांना न्यायालयात हजर करण्यात येणार आहे.