Woman Kidnapped TV Anchor: उद्योजिका महिला पडली टीव्ही अँकरच्या प्रेमात; लग्नाला नकार दिल्याने केलं अपहरण, काय आहे प्रकरण?वाचा
या महिलेला हैदराबाद (Hyderabad) येथून अटक करण्यात आली आहे. या महिलेने टीव्ही अँकरच्या कारमध्ये ट्रॅकिंग डिव्हाइस बसवले आणि त्याचा पाठलाग केला. या डिव्हाइसच्या मदतीने महिलेने अँकरच्या सर्व हालचालीवर लक्ष ठेवले. लग्न करण्यासाठी महिलेने अँकरचे अपहरण केले.
त्यानंतर महिलेने या अँकरची माहिती काढली आणि तिला टीव्ही अँकरचा फोन नंबर सापडला. तिने एका इन्स्टंट मेसेजिंग ॲपद्वारे अँकरशी संपर्क साधला. परंतु, अँकरने तिला सांगितले की, एका अज्ञात व्यक्तीने त्याचा फोटो वापरला आणि मॅट्रिमोनी साइटवर बनावट खाते तयार केले. त्याने या संदर्भात सायबर क्राईम पोलिस स्टेशनमध्ये तक्रारही दाखल केली होती. मात्र, त्यानंतरही महिलेने टीव्ही अँकरला मेसेज पाठवणे सुरूच ठेवले.
Hyderabad, Telangana | A kidnapping case was registered in the Malkajgiri subdivision, under the Uppal police station by Pranav Sista, a software engineer and TV Anchor against a woman named Bogireddy Trishna who wanted to marry him. Pranav refused to marry her. The woman has… pic.twitter.com/XAw37catzL
— ANI (@ANI) February 24, 2024
दरम्यान, यानंतर टीव्ही अँकरने महिलेचा नंबर ब्लॉक केला. अँकरशी लग्न करण्यावर ठाम असलेल्या महिलेने हे प्रकरण सोडवता येईल या विचाराने त्याचे अपहरण करण्याची योजना आखली. तिने अँकरचे अपहरण करण्यासाठी चार लोकांना कामावर ठेवले आणि त्याच्या हालचालींवर लक्ष ठेवण्यासाठी अँकरच्या कारमध्ये ट्रॅकिंग डिव्हाइस देखील स्थापित केले. (Sniffer Dog Finds Abducted Boy: मुंबई पोलिसांच्या बॉम्ब शोध पथकातील स्निफर कुत्र्याची कमाल! अवघ्या 90 मिनिटांत घेतला अपहरण केलेल्या 6 वर्षीय मुलाचा शोध)
टीव्ही अँकरचे अपहरण
पोलिसांनी सांगितले की, 11 फेब्रुवारी रोजी भाड्याने घेतलेल्या लोकांनी अँकरचे अपहरण केले. त्याला महिलेच्या कार्यालयात नेले आणि तिच्यासमोर त्याला बेदम मारहाण केली. आपल्या जीव वाचवण्यासाठी टीव्ही अँकरने महिलेला होकार दिला. त्यानंतरच त्याला जाण्याची परवानगी देण्यात आली.
त्यानंतर टीव्ही अँकरने उप्पल पोलिस स्टेशनमध्ये तक्रार दाखल केली, ज्यामध्ये महिलेवर कलम 363 (अपहरण), 341 (चुकीचा प्रतिबंध), 342 (चुकीचा बंदिवास) आणि भारतीय दंड संहिता (IPC) च्या संबंधित कलमांखाली गुन्हा दाखल करण्यात आला होता. तपासादरम्यान, पोलिसांनी आरोपी महिलेला चार जणांसह अटक केली.
(The above story first appeared on LatestLY on Feb 24, 2024 12:54 PM IST. For more news and updates on politics, world, sports, entertainment and lifestyle, log on to our website latestly.com).
