money heist (pic credit - netflix)

नेटफ्लिक्सच्या (Netflix) सर्वात लोकप्रिय आणि ट्रेंडिंग वेब सिरीज (Trending web series) मनी हाईस्ट (Money Heist 5) च्या सर्व चाहत्यांसाठी एक आनंदाची बातमी आहे. सीझन 5 चा ट्रेलर (Trailer) रिलीज होण्याच्या तयारीत आहे. सीझन 5 चा ट्रेलर 02 ऑगस्ट 2021 रोजी रिलीज होणार आहे. ही बातमी आल्यापासून त्यानंतर चाहते या सिरीजचा ट्रेलर पाहण्यास आतूर झाले आहेत. सर्वांनाच माहित आहे की मनी हाईस्ट ही या वर्षाची सर्वात आवडती वेब सिरीज बनली आहे. या वेब सिरीजच्या प्रत्येक सीझनला चाहत्यांनी भरभरून प्रेम दिले आहे. लोकांना ही वेब सिरीज (Web series) खूप आवडली आहे. कारण या सिरीजमध्ये प्रचंड सस्पेन्स आहे. या सिरीजचे आधीचे सर्व भाग प्रेक्षकांच्या मोठ्या प्रमाणात पसंतीस पडले आहेत.

नेटफ्लिक्स इंडियाने या वेब सिरीजशी संबंधित एक व्हिडिओ क्लिप सोशल मीडियावर शेअर केली आहे. ज्यात अभिनेता अल्वारो मोर्टे उर्फ ​​प्रोफेसर खुर्चीवर आरामात बांधलेले आहेत. इन्स्पेक्टर अॅलिसिया सिएरा प्राध्यापकाला पकडण्यात यशस्वी झाली आहे. असे तो व्हीडिओ पाहून वाटत आहे. सोशल मीडियावर ही क्लिप पाहून असे वाटते की मास्टरमाईंड प्राध्यापक त्याच्या सर्व नियोजनात अपयशी ठरतो.

हा व्हिडिओ पाहिल्यानंतर, मनी हाईस्टचे सर्व चाहते खूप आश्चर्यचकित झाले. हा व्हिडिओ सामायिक करण्याबरोबरच कॅप्शनमध्ये असेही लिहिले आहे की, 'चेकमेट' पण सर्व चाहत्यांच्या मनात एक प्रश्न येतो, प्राध्यापकांचा खेळ इथे खरंच संपतो का? या सर्व प्रश्नांची उत्तर ही सिरीज प्रदर्शित झाल्यानंतरच कळू शकेल. मनी हिस्ट सीझन 4 अशा वेळी संपला, जिथे अॅलिसिया प्रोफेसरला पकडण्यात यशस्वी झाली.  अशी अपेक्षा आहे की 2 ऑगस्ट रोजी ट्रेलर रिलीज झाल्यानंतर प्रेक्षकांना काही प्रश्नांची उत्तरे मिळतील. मनी हिस्ट सिरीजच्या 5वा भागाचा ट्रेलर 2 ऑगस्टला जरी येणार असेल तरी देखील प्रेक्षकांची प्रतिक्षा तेव्हाच संपेल जेव्हा याचा 5 वा भाग प्रदर्शित होईल. याची प्रचंड प्रमाणात चाहते आतुरतेने वाट पाहत आहेत.