Nissan Kicks SUV Offers: निसान इंडिया देतेय Kicks SUV वर 1 लाखांची सूट, विशेष ग्राहकांना मिळणार 2 ग्रॅम सोन्याचे नाणे

देशात सुरू झालेल्या सणासुदीच्या काळात होंडा (Honda) आणि मारुतीनंतर (Maruti Suzuki) आता निसान इंडियाने (Nissan India) आपल्या कारची विक्री वाढवण्यासाठी आपल्या प्रीमियम एसयूव्हीवर (SUV) विशेष सवलत जाहीर केली आहे. निसान इंडियाने सप्टेंबर महिन्यात किक्स एसयूव्हीसाठी (Kicks SUV) विशेष सूट दिली आहेत. अधिकृत संकेतस्थळावर सूचीबद्ध तपशीलांनुसार, कॉम्पॅक्ट एसयूव्ही या महिन्यात विक्रीसाठी तयार आहे. ज्यामध्ये जास्तीत जास्त 1 लाख रुपयांपर्यंत लाभ मिळतील. किक्स एसयूव्हीवरील हे फायदे स्टॉक संपेपर्यंत किंवा 30 सप्टेंबरपर्यंत वैध आहेत. यामध्ये रोख लाभ, एक्सचेंज बोनस, ऑनलाइन बुकिंग बोनस, सर्व प्रकारचे कॉर्पोरेट फायदे समाविष्ट आहेत. जपानी कार निर्माता देखील एसयूव्हीवर 7.99 टक्के विशेष व्याज दर देत आहे.

गणेश चतुर्थीच्या शुभ मुहूर्तावर, फक्त महाराष्ट्र, गोवा आणि राजस्थानमधील ग्राहकांसाठी एक विशेष लाभ आहे. ज्यामध्ये त्यांना प्रत्येक खरेदीवर 2 ग्रॅम सोन्याचे नाणे मिळेल. ही ऑफर 20 सप्टेंबर 2021 रोजी किंवा त्यापूर्वी केलेल्या खरेदीवर लागू आहे. किक्सच्या 1.3-लीटर टर्बो पेट्रोल प्रकाराला जास्तीत जास्त 1 लाख रुपयांपर्यंत लाभ मिळत आहे. यामध्ये 15,000 रुपयांचा रोख लाभ आणि 70,000 रुपयांचा एक्सचेंज बोनस समाविष्ट आहे. 5000 रुपयांचा ऑनलाईन बुकिंग बोनस आणि 10 हजार रुपयांची कॉर्पोरेट सवलत देखील आहे.

त्याच वेळी, 1.5 लिटर पेट्रोल व्हेरिएंटवर जास्तीत जास्त 45,000 रुपयांपर्यंत सूट उपलब्ध आहे. यामध्ये 10,000 रुपयांचा रोख लाभ, 20,000 रुपयांचा एक्सचेंज बोनस, 5,000 रुपयांचा ऑनलाइन बुकिंग बोनस आणि 10,000 रुपयांचा कॉर्पोरेट लाभ समाविष्ट आहे. भारतात निसान किक्स एसयूव्हीची किंमत 9.5 लाख ते 14.65 लाख आहे. हेही वाचा Car Offers: सुझुकीच्या 'या' कारवर मिळतेय आकर्षक सूट, जाणून घ्या नेमक्या कोणत्या आहेत कार ?

निसान किक्स ही त्याच्या कंपनीची प्रीमियम एसयूव्ही आहे, ज्यामध्ये चार व्हेरिएंट लॉन्च करण्यात आले आहेत. ज्यात कंपनीने दोन इंजिनांचा पर्याय दिला आहे. एसयूव्हीमधील पहिले इंजिन 1330 सीसी आणि दुसरे इंजिन 1498 सीसी आहे. त्याच्या टर्बो पेट्रोल प्रकाराबद्दल बोलायचे झाले तर ते 1.3 लिटर क्षमतेचे टर्बो पेट्रोल इंजिन आहे. हे इंजिन 156 पीएस पॉवर आणि 245 एनएम टॉर्क जनरेट करू शकते. या इंजिनसह मॅन्युअल आणि सीव्हीटी गिअरबॉक्सचे पर्याय देण्यात आले आहेत. कारच्या फिचर्सबद्दल बोलायचे झाले तर तुम्हाला 8 इंचाची टचस्क्रीन इन्फोटेनमेंट सिस्टीम मिळेल ज्याच्या मदतीने अॅपल कारप्ले आणि अँड्रॉइड ऑटो कनेक्ट फीचर कनेक्ट करता येईल. कारमध्ये 360 डिग्री कॅमेरा, रेन सेन्सिंग वायपर, ऑटो एसी, मागील एसी व्हेंट्स, क्रूझ कंट्रोल, केबिन प्री-कूल अशी सुविधा देण्यात आली आहे.

(The above story first appeared on LatestLY on Sep 09, 2021 05:05 PM IST. For more news and updates on politics, world, sports, entertainment and lifestyle, log on to our website latestly.com).