Mobile Forensic Van: राज्यात सुरु झाल्या 21 अत्याधुनिक फॉरेन्सिक व्हॅन; गुन्ह्यांच्या उलगडा करण्यामध्ये होणार मदत, जाणून घ्या काय आहे खास
राज्यात एकूण 259 मोबाईल फॉरेन्सिक व्हॅन सुरू करण्यात येणार आहेत. त्यापैकी 21 पूर्णपणे सुसज्ज व्हॅन्स कार्यरत करण्यात आल्या आहेत. ब्लॉक चेन तंत्रज्ञानाचा वापर करून क्राईम सीन ॲप्लिकेशन गुन्हे स्थळावर तपासणी करणार आहे.
महाराष्ट्र सरकारने गुन्हेगारी प्रकरणांमध्ये दोषसिद्धीचे प्रमाण वाढवणे आणि पुराव्याशी छेडछाड रोखण्याच्या उद्देशाने महत्त्वपूर्ण उपाययोजना केल्या आहेत. याचाच एक भाग म्हणून मुख्यमंत्री देवेंद्र फडणवीस यांनी काल राज्यभरातील 21 अत्याधुनिक फॉरेन्सिक व्हॅनचे अनावरण केले. असा उपक्रम राबविणारे महाराष्ट्र हे भारतातील पहिले राज्य आहे. भारतीय नागरिक सुरक्षा संहिता, 2023 कायद्यानुसार 7 किंवा त्यापेक्षा जास्त शिक्षा असलेल्या गुन्ह्यांसाठी फॉरेन्सिक पुराव्यांचा वापर अनिवार्य करण्यात आला आहे. या सुधारणांचा एक प्रमुख भाग असलेली ‘मोबाईल फॉरेन्सिक व्हॅन’ ची उपलब्धता महाराष्ट्रात सुरू करण्यात आली आहे.
राज्यात एकूण 259 मोबाईल फॉरेन्सिक व्हॅन सुरू करण्यात येणार आहेत. त्यापैकी 21 पूर्णपणे सुसज्ज व्हॅन्स कार्यरत करण्यात आल्या आहेत. ब्लॉक चेन तंत्रज्ञानाचा वापर करून क्राईम सीन ॲप्लिकेशन गुन्हे स्थळावर तपासणी करणार आहे. यामध्ये पुरावे सग्रहीत करून बारकोडद्वारे सुरक्षित करण्यात येणार आहे. गुन्ह्यांच्या उलगडा करण्यामध्ये फॉरेन्सिक सहाय्य पुरविण्यासाठी, पुरावे गोळा करणे व विश्लेषण करण्यासाठी ही व्हॅन उपयुक्त ठरणार आहे. या व्हॅनमध्ये रक्त, डीएनए संग्रहण आणि बलात्कार गुन्ह्यात आवश्यक पुरावे गोळा करता येणार आहे. वैज्ञानिक तज्ज्ञ व सहायक कर्मचारी व्हॅनमध्ये असतील. तसेच स्फोटक पदार्थ तपासणी, सायबर गुन्ह्यांमध्ये तपासणीसाठी विशेष फॉरेन्सिक किट्स उपलब्ध असणार आहेत. तसेच व्हॅन सीसीटिव्हीने सज्ज असणार आहे. (हेही वाचा: Pune Gay Man Looted: समलिंगी तरुणांना निर्जन स्थळी लुटणाऱ्या टोळीचा पर्दाफाश, पुणे येथून म्होरक्यासह तिघांना अटक)
Mobile Forensic Van:
🔸Inauguration of 'Mobile Forensic Van' at the hands of CM Devendra Fadnavis
🔸मुख्यमंत्री देवेंद्र फडणवीस यांच्या हस्ते 'मोबाईल फॉरेन्सिक व्हॅन'चे लोकार्पण
🔸मुख्यमंत्री देवेंद्र फडणवीस इनके करकमलों से 'मोबाईल फॉरेन्सिक व्हॅन' का लोकार्पण
🕐 1pm | 27-1-2025📍Sahyadri Guest… pic.twitter.com/5M0LUwWbGH
— CMO Maharashtra (@CMOMaharashtra) January 27, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 28, 2025 10:11 AM IST. For more news and updates on politics, world, sports, entertainment and lifestyle, log on to our website latestly.com).
