India Expels 6 Canadian Diplomats: कॅनडाविरोधात भारताचा मोठा निर्णय; भारतामधील 6 राजनैतिक अधिकाऱ्यांना 19 ऑक्टोबरपूर्वी देश सोडण्यास सांगितले
भारत सरकारने कॅनडातून आपल्या उच्चायुक्तांना परत बोलावण्याची घोषणा केली. यासह परराष्ट्र मंत्रालयाने सायंकाळी उशिरा निर्णय घेत, कॅनडाच्या 6 राजनैतिक अधिकाऱ्यांची हकालपट्टी केली आहे.
India Expels 6 Canadian Diplomats: भारत आणि कॅनडामधील वाद अधिक वाढत चालला आहे. सोमवारी, भारत सरकारने कॅनडातून आपल्या उच्चायुक्तांना परत बोलावण्याची घोषणा केली. यासह परराष्ट्र मंत्रालयाने सायंकाळी उशिरा निर्णय घेत, कॅनडाच्या 6 राजनैतिक अधिकाऱ्यांची हकालपट्टी केली आहे. आता त्यांना शनिवार म्हणजेच 19 ऑक्टोबरपूर्वी भारत सोडावा लागणार आहे. त्यात कॅनडाचे कार्यकारी उच्चायुक्त स्टीवर्ट रॉस व्हीलर आणि उप उच्चायुक्त पॅट्रिक हेबर्ट यांचा समावेश आहे. यासोबतच फर्स्ट सेक्रेटरी मेरी कॅथरीन जोली, फर्स्ट सेक्रेटरी लॅन रॉस डेव्हिड ट्राइट्स, फर्स्ट सेक्रेटरी ॲडम जेम्स चुइप्का आणि फर्स्ट सेक्रेटरी पाउला ओरजुएला यांचा समावेश आहे. यासह भारताने कॅनडातून आपले उच्चायुक्त संजय कुमार वर्मा आणि इतर राजनैतिक अधिकाऱ्यांना परत बोलावण्याचा निर्णय घेतला आहे.
कॅनडाने भारतासोबत सामायिक केलेल्या 'डिप्लोमॅटिक कम्युनिकेशन'मध्ये, कॅनडातील भारताचे उच्चायुक्त संजय कुमार वर्मा आणि इतर भारतीय मुत्सद्दींवर, जून 2023 मध्ये खलिस्तान समर्थक कार्यकर्ते हरदीप सिंग निज्जर याच्या हत्येमध्ये सहभाग असल्याचा आरोप केला आहे. त्यानंतर भाराताने हा निर्णय घेतला आहे. (हेही वाचा; India Withdraws Envoy, Diplomats in Canada: 'ट्रूडो सरकारवर विश्वास नाही'; भारताने कॅनडातून उच्चायुक्त आणि इतर राजनैतिक अधिकाऱ्यांना परत बोलावले)
India Expels 6 Canadian Diplomats:
The Government of India has decided to expel 6 Canadian diplomats. They are to leave India by or before 11:59 PM on Saturday, October 19, 2024. MEA issues a press statement -
1. Stewart Ross Wheeler, Acting High Commissioner
2. Patrick Hebert, Deputy High Commissioner
3.… pic.twitter.com/PPO3aIk8pU
— ANI (@ANI) October 14, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Oct 14, 2024 10:34 PM IST. For more news and updates on politics, world, sports, entertainment and lifestyle, log on to our website latestly.com).
