Mumbai Water Cut Update: कुलाबा भागामध्ये 11 मे दिवशी पाईपलाईन दुरूस्तीच्या कामासाठी 8 तास पाणी पुरवठा राहणार बंद
शनिवारी सकाळी नऊ वाजता कुलाबा मध्ये दुरुस्तीसाठी खोदकाम सुरू होणार आहे. त्याच दिवशी दुपारी 3 वाजता दुरुस्तीचे काम सुरू होणार आहे
बीएमसी (BMC) कडून मुंबई मधील 'ए' वॉर्ड (Ward A) मधील पाणी पुरवठा 11 मे दिवशी 8 तास बंद ठेवला जाणार असल्याची माहिती देण्यात आली आहे. जीवन बीमा मार्ग वरील पाणी लीकेजच्या समस्येसाठी पाईपलाईन दुरूस्तीचं काम पालिकेने हाती घेतलं आहे. त्यासाठी काही भागात हा पाणी पुरवठा बंद केला जाणार असल्याची माहिती देण्यात आली आहे.
1,200 मीटर व्यासाच्या जलवाहिनीची मुख्य गळती जीवन विमा मार्गावरील मंत्रालय इमारतीजवळ सुरू असलेल्या मेट्रो 3 प्रकल्पाच्या कामामुळे झाली होती, असे पालिकेने म्हटले आहे. गळती दूर करण्यासाठी कुलाबा, कोळीवाडा आणि नेव्ही नगर भागात दुपारी 3.30 ते 11.30 या वेळेत पाणीपुरवठा बंद ठेवण्यात येणार आहे.
कुलाबा मध्ये 8 तास पाणी बंद
ए विभागातील जीवन विमा मार्गावर १२०० मिलीमीटर व्यासाच्या जलवाहिनीची शनिवार दिनांक ११ मे २०२४ रोजी दुपारी ३.३० ते रात्री ११.३० या या ८ तासांच्या कालावधीत दुरुस्ती केली जाणार आहे.
या कालावधीत कुलाबा (नियमित वेळ - सायंकाळी ४.३० ते सायंकाळी ६.३०),(१/२)
— WARD A BMC (@mybmcWardA) May 10, 2024
वाहतूक विभागाची परवानगी घेतल्यानंतर शनिवारी सकाळी नऊ वाजता या जागेच्या दुरुस्तीसाठी खोदकाम सुरू होणार आहे. त्याच दिवशी दुपारी 3 वाजता दुरुस्तीचे काम सुरू होणार आहे त्यामुळे कुलाबा, कोळीवाडा, नवले परिसरात आठ तास पाणीपुरवठा पूर्णपणे विस्कळीत होणार आहे.
अधिकाऱ्यांच्या मते, क्रॉस मैदान बोगद्यामधून जाणाऱ्या पाण्याच्या पाईपमधून ए वॉर्डला पाणीपुरवठा करताना त्याचा दाब कमी झाला आणि ही समस्या समोर आली.
(The above story first appeared on LatestLY on May 10, 2024 12:56 PM IST. For more news and updates on politics, world, sports, entertainment and lifestyle, log on to our website latestly.com).
