Sudhir Mungantiwar: सुधीर मुनगंटीवार यांच्या अडचणीत वाढ , काँग्रेसबाबत केलेल्या वादग्रस्त वक्तव्याची निवडणूक आयोगाकडून दखल

लोकसभा निवडणुकीच्या (Loksabha Election 2024) तोंडावर राजकीय घडामोडीना वेग आला आहे. अशातच सभा, प्रचार यांना सुरवात झाली आहे. अशातच पंतप्रधान नरेंद्र मोदींच्या (Narendra Modi) प्रचारसभे दरम्यान केलेल्या एका वादग्रस्त वक्तव्यावरून भाजपचे चंद्रपूरचे लोकसभेचे उमेदवार सुधीर मुनगंटीवार (Sudhir Mungantiwar) यांच्या अडचणीत वाढ होण्याची शक्यता आहे. मोदींच्या प्रचारसभेवेळी बोलताना सुधीर मुनगंटीवार यांनी केलेल्या वादग्रस्त वक्तव्याची निवडणूक आयोगाने दखल घेतली आहे. सुधीर मुनगंटीवारांच्या वक्तव्याचा व्हिडिओ काँग्रेस नेते सचिन सावंत यांनी ट्विटरवर पोस्ट करत याबाबत कारवाई करण्यात यावी अशी मागणी केली होती.  (हेही वाचा - Loksabha Election 2024: शरद पवार गटाकडून साताऱ्यातून शशिकांत शिंदेंना उमेदवारी, तर रावेरमधून श्रीराम पाटील यांनी संधी)

पाहा सचिन सावंत यांची पोस्ट -

निवडणूक आयोगाने तात्काळ सुधीर मुनगंटीवार यांच्या या भाषणाची दखल घेऊन कारवाई केली पाहिजे. अशा तऱ्हेची विखारी भाषा खपवून घेतली जाऊ नये. "एका भावाला बहिणीबरोबर " सारखे भयंकर व बेफाम आरोप मुनगंटीवार यांनी केले. हरण्याच्या भीतीने तोल ढळला आहे.

नुकतेच "आप"च्या मंत्री आतिशी यांनी… pic.twitter.com/orr8dw6yYl

— Sachin Sawant सचिन सावंत (@sachin_inc) April 8, 2024

सावंत यांच्या या पोस्टवर उत्तर देत निवडणूक आयोगाने 'आपल्या तक्रारीची दखल घेण्यात आली आहे' असे सांगितले आहे. "आपल्या तक्रारीची दखल घेण्यात आली आहे. निवडणूक काळातील कोणत्याही गैरप्रकाराबद्दल आपण cVigil या अॅपवर तक्रार दाखल करू शकता. प्रत्येक तक्रारीवर 100 मिनीटांमध्ये पहिली कार्यवाही.अॅप डाऊनलोड करण्यासाठी खालील दुव्याला भेट द्या."

आपल्या तक्रारीची दखल घेण्यात आली आहे.

निवडणूक काळातील कोणत्याही गैरप्रकाराबद्दल आपण cVigil या अॅपवर तक्रार दाखल करू शकता. प्रत्येक तक्रारीवर १०० मिनीटांमध्ये पहिली कार्यवाही.

अॅप डाऊनलोड करण्यासाठी खालील दुव्याला भेट द्या.(1/2)

— ChiefElectoralOffice (@CEO_Maharashtra) April 9, 2024

1984 साली काँग्रेस ने केलेल्या अत्याचारांची आठवण करुन दिली तर इतक्या मिरच्या झोंबल्या. अर्धवट क्लिप वायरल करुन काँग्रेस ने जनतेवर केलेले अन्याय तुम्ही लपवू शकणार नाही. असे प्रत्युत्तर सुधीर मुनगंटीवार यांनी दिले.

(The above story first appeared on LatestLY on Apr 10, 2024 02:32 PM IST. For more news and updates on politics, world, sports, entertainment and lifestyle, log on to our website latestly.com).