Coronavirus in Maharashtra: मुंबई, पुणे, औरंगाबादसह 'या' महत्वाच्या जिल्ह्यांमधील कोरोना व्हायरसच्या रुग्णांची आकडेवारी एका क्लिकवर येथे पहा

देशभरासह महाराष्ट्रात कोरोना व्हायरसचा प्रादुर्भाव आता वेगाने वाढत चालल्याचे दिसून येत आहे. दिवसागणिक नव्या कोरोनाबाधित रुग्णांसह बळींच्या आकड्यात सुद्धा भर पडत आहे. राज्यातील कोरोना संक्रमितांचा आकडा 124331 वर पोहचला असून 5893 जणांचा बळी गेला आहे. त्यापैकी 62773 जणांची प्रकृती सुधारली असून 55651 जणांवर अद्याप उपचार सुरु असल्याची माहिती देण्यात येत आहे. कोरोनाच्या विरोधात लढा देण्यासाठी राज्य सरकारसह कोविड वॉरियर्स सुद्धा आपले कर्तव्य बजावताना दिसून येत आहेत.(दिलासादायक! कोरोना व्हायरस उपचारासाठी मुंबईच्या Glenmark Pharmaceuticals चे FabiFlu औषध बाजारात; DCGI ने दिली परवानगी)

राज्यातील मुंबई, पुणे, औरंगाबाद, ठाणे या सारख्या ठिकाणी कोरोना व्हायरसच्या रुग्णांचा आकडा प्रचंड वाढत आहे. त्यामुळे कोरोनाच्या परिस्थितीवर नियंत्रण मिळवण्यासाठी तेथे सर्वोतोपरी काळजी घेण्यात येत आहे. तर महाराष्ट्रातील कोरोना बाधितांची संख्या दिवसेंदिवस वाढत असून राज्याच्या विविध जिल्ह्यात कोरोना व्हायरस रुग्णसंख्या, मृतांचा आकडा किती आहे जाणून घेऊया.

महाराष्ट्रातील कोरोना बाधितांची  जिल्हानिहाय आकडेवारी

कोरोना व्हायरसच्या वाढत्या संकटामुळे यापूर्वीचे अनेक सण लॉकडाऊनमुळे घरच्या घरी साजरे करावे लागले. तर पुढे येणाऱ्या श्रावण महिन्यात अनेक सणांची रेलचेल असते. परंतु, कोरोनाच्या पार्श्वभूमीवर घाटकोपर येथील राम कदम यांची दहीहंडी रद्द करण्यात आली आहे. तर गणेशोत्सव साधेपणाने साजरा करण्यासाठी मुख्यमंत्री उद्धव ठाकरे यांनी गणेशोत्सव मंडळांना खास सूचना केल्या आहेत.

(The above story first appeared on LatestLY on Jun 21, 2020 11:37 AM IST. For more news and updates on politics, world, sports, entertainment and lifestyle, log on to our website latestly.com).