Coronavirus in Maharashtra: कोरोना व्हायरसचे तुमच्या जिल्ह्यात किती आहेत रुग्ण; जाणून घ्या महाराष्ट्रातील जिल्हानिहाय आकडेवारी

महाराष्ट्रात कोविड-19 (COVID-19) रुग्णांची संख्या झपाट्याने वाढत असून बरे होणा-या रुग्णांचे प्रमाणही वाढत आहे. राज्यात काल (15 ऑगस्ट) 12, 614 नवे कोरोना रुग्ण आढळून आले आहेत. तर दिवसभरात 322 जणांचा कोरोनामुळे मृत्यू झाला आहे. त्यामुळे राज्यातील एकूण कोरोनाग्रस्तांचा आकडा 5 लाख 84 हजार 754 वर पोहोचला आहे. सध्या राज्यात 1 लाख 56 हजार 409 रुग्णांवर उपचार सुरू आहेत. तसेच आतापर्यंत 4 लाख 08 हजार 286 जणांनी कोरोनावर मात केली असून त्यांना रुग्णालयातून सुट्टी दिली आहे अशी माहिती महाराष्ट्र आरोग्य विभागाने (Maharashtra Health Department) दिली आहे.

दुर्देवाची बाब म्हणजे आतापर्यंत राज्यातील 19 हजार 749 रुग्णांची कोरोनाविरुद्धची झुंज अयशस्वी ठरली आहे अशी माहिती महाराष्ट्राचे आरोग्यमंत्री राजेश टोपे यांनी दिली आहे. Coronavirus Cases In Pune: पुणे शहरात आज नव्याने 1,073 कोरोनाबाधित रुग्णांची नोंद, तर 1145 रुग्णांना डिस्चार्ज

महाराष्ट्रातील कोरोनाबाधितांची जिल्हा व मनपा निहाय आकडेवारी (15 ऑगस्ट रात्री 8: 00 वाजेपर्यंत)

राज्यात कोरोना रुग्ण बरे होण्याचे प्रमाण 69.82 टक्के आहे. तसेच कोरोना रुग्णांचा मृत्यू होण्याचा दर 3.38 टक्के इतका आहे. याशिवाय राज्यात सध्या 10 लाखाहून अधिक जणांना होम क्वारंटाईन करण्यात आलं आहे. तसेच 37 हजार पेक्षा जास्त जणांना संस्थात्मक क्वारंटाईन करण्यात आलं आहे.

तर भारतात कोरोना बाधितांचा आकडा 25 लाख 26 हजार 193 वर पोहचला आहे. यापैकी 6 लाख 68 हजार 220 सक्रीय रुग्ण (Active Cases) आहेत. तर 18 लाख 08 हजार 937 रुग्ण कोरोनामुक्त झाले असून त्यांना रुग्णालयातून डिस्चार्ज देण्यात आला आहे. दरम्यान कोरोना संसर्गामुळे एकूण 49 हजार 036 रुग्णांचा मृत्यू झाला आहे. अशी माहिती आरोग्य मंत्रालयाकडून (Ministry of Health and Family Welfare) देण्यात आली आहे.

(The above story first appeared on LatestLY on Aug 16, 2020 09:28 AM IST. For more news and updates on politics, world, sports, entertainment and lifestyle, log on to our website latestly.com).