Mumbai Shocker: TISS मध्ये शिकणाऱ्या विद्यार्थ्याचा मृत्यू, भाड्याच्या खोलीत सापडला मृतदेह, पोलिसांनी व्यक्त केला रॅगिंगचा संशय

Mumbai Shocker: मुंबईच्या टाटा इन्स्टिट्यूट ऑफ सोशल सायन्सेस (TISS) चा एक विद्यार्थी रविवारी सकाळी वाशी येथे मित्रांसोबत पार्टीत गेल्यानंतर त्याच्या भाड्याच्या अपार्टमेंटमध्ये मृतावस्थेत आढळून आला. याप्रकरणी पोलिसांनी गुन्हा दाखल केला आहे. विद्यार्थ्याचा मृत्यू रॅगिंगमुळे झाल्याचा संशय पोलिसांनी व्यक्त केला आहे. याप्रकरणी पोलिसांनी तपास सुरू केला आहे. 'मिड डे'च्या वृत्तानुसार, अनुराग जैस्वाल असे मृताचे नाव असून तो संस्थेत  सोशल सायन्सेसचे शिक्षण घेत होता. काल रात्री तो आपल्या मित्रांसोबत नवी मुंबईतील वाशी येथे एका पार्टीला गेला होता आणि त्याने दारू प्राशन केली होती. हे देखील वाचा: Famous Indian-Origin Doctor Shot Dead In US: अमेरिकेत भारतीय वंशाच्या प्रसिद्ध डॉक्टरची गोळ्या झाडून हत्या, पोलीस तपास सुरु

वाशी येथील पार्टीत सुमारे 150 ज्येष्ठ आणि कनिष्ठ विद्यार्थी सहभागी झाले होते, घरी पोहोचल्यानंतरही अनुराग सकाळी उठला नाही, तेव्हा त्याच्या रूममेट्सने त्याला चेंबूर येथील रुग्णालयात नेले, तेथे डॉक्टरांनी त्याला मृत घोषित केले.

पोलीस या प्रकरणाचा तपास करत असून वरिष्ठांकडून रॅगिंग झाल्याचा पोलिसांना संशय आहे. पोलीस मृत अनुरागच्या सर्व मित्रांची चौकशी करत आहेत. यासोबतच अनुरागच्या लखनऊमधील कुटुंबीयांनाही याबाबत माहिती देण्यात आली आहे. ते आल्यानंतरच अनुरागचे शवविच्छेदन करावे, अशी विनंती कुटुंबीयांनी केली आहे.

वर्षाच्या सुरुवातीला, जूनच्या सुरुवातीस, एक 20 वर्षीय अभियांत्रिकी विद्यार्थी त्याच्या कारसह लोखंडवाला येथून निघून गेला होता, त्यानंतर तो एका उच्च प्रोफाइल रूफटॉप पबजवळ मृतावस्थेत आढळला होता. याप्रकरणी पोलिसांनी गुन्हा दाखल केला होता. हमजा गुलरिज खान असे या घटनेतील मृताचे नाव आहे. घटनेच्या वेळी मृताचे वडील येथे नव्हते, ते हज यात्रेवर होते. या प्रकरणात असे सांगण्यात आले की, हमजा रात्री 8 वाजता त्याच्या कारमधून निघून गेला होता, परंतु घरी परतला नाही.