Mumbai Smog | (Photo Credit- X)

दिल्ली (Delhi) आणि मुंबई (Mumbai) ही दोन्ही प्रमुख शहरे वायू प्रदूषण (Air Pollution) आणि हव गुणवत्ता घसरल्याने विविध समस्यांचा सामना करत आहे. दिलासादायक बाब अशी की, दिल्ली शहरातील हवेची गुणवत्ता (AQI Delhi) किंचीत सुधारली असून, अतिशय धोकादायक पातळीवरुन ती 'गंभीर' स्थितीपर्यंत आली आहे. दिल्ली प्रशासनाने दिलेल्या माहितीनुसार, वाऱ्याच्या अनुकूल परिस्थितीमुळे 2 डिसेंबर 2024 रोजी राष्ट्रीय राजधानीच्या हवेच्या गुणवत्तेत किंचित सुधारणा झाली. दरम्यान, केंद्रीय प्रदूषण नियंत्रण मंडळाने (CPCB) दिलेल्या माहितीनुसार, मुंबईचा काही भाग धुक्याने (Mumbai Smog) अच्छादला आहे. धुक्याचा थर पातळ असला तरी, हवेची गुणवत्ता 'मध्यम' श्रेणीत आहे.

दिल्लीचा AQI अपडेट

हवा गुणवत्ता आणि हवामान अंदाज आणि संशोधन प्रणाली (System of Air Quality and Weather Forecasting and Research) द्वारा देण्यात आलेल्या माहितीनुसार, दिल्लीतील हवेचा गुणवत्ता निर्देशांक (एक्यूआय) रविवारी 274 नोंदवला गेला. आकडेवारीवरुन पाहायला मिळते की, ऑक्टोबरच्या उत्तरार्धापासून 'गंभीर अधिक' श्रेणीत असलेला शहराचा एक्यूआय आता प्रदूषकांच्या चांगल्या वाऱ्याच्या प्रसरणामुळे 'खराब' श्रेणीत सुधारला आहे. (हेही वाचा, UPPCB Imposes ₹75 Lakh Fines: वायू प्रदूषणाचे उल्लंघन, 150 औद्योगिक युनिट्सवर 75 लाख रुपयांपेक्षा अधिक दंड; यूपीपीसीबी ची कारवाई)

सोमवारी सकाळपर्यंत, दिल्लीच्या प्रमुख ठिकाणी एक्यूआयची पातळी खाललप्रमाणे:

आनंद विहारः 303

अशोक विहारः 284

बावनाः 298

चांदनी चौकः 188

आयजीआय विमानतळः 270

द्वारका-307

जहांगीरपुरीः 310

नेहरू नगरः 334

मुंबई AQI अपडेट

मुंबईच्या हवेची गुणवत्ता 'मध्यम' श्रेणीत राहिली असून, शहराच्या काही भागांमध्ये धुराचे एक लक्षणीय थर आहे. सीपीसीबीने मागील दिवसांच्या तुलनेत शहराच्या एकूण वायू प्रदुषण आणि गुणवत्ता निर्देशांकात कोणतीही मोठी चढउतार नोंदवली नाहीत. (हेही वाचा, Delhi Air Pollution: दिल्लीतील वायू प्रदूषण गंभीर श्रेणीत; GRAP-IV निर्बंध लागू, शाळांना सुट्टी, वर्ग ऑनलाईन सुरु)

मुंबईतील वांद्रे परिसरात दाट धुके

एक्यूआयमध्ये चढउतारामुळे दिल्लीत निर्बंध

दिल्लीच्या हवेच्या गुणवत्तेत सुधारणा होऊनही, श्रेणीबद्ध प्रतिसाद कृती योजनेच्या (जी. आर. ए. पी.) चौथ्या टप्प्याअंतर्गत निर्बंध कायम आहेत.

शाळाः जी. आर. ए. पी. IV अंतर्गत, विद्यार्थ्यांवरील प्रदूषणाचा परिणाम कमी करण्यासाठी शाळांना संकरीत पद्धतीने (ऑनलाइन आणि ऑफलाइन) काम करण्याचा सल्ला देण्यात आला आहे.

बांधकाम बंदीः बांधकाम उपक्रमांवरील आणि अनावश्यक व्यावसायिक वाहनांच्या शहरात प्रवेशावरील बंदी कायम आहे.

सी. ए. क्यू. एम. निर्देशः हवेच्या गुणवत्तेच्या सद्यस्थितीच्या आधारे जीआरएपी-3 आणि जी. आर. ए. पी.-4 मधील निर्बंध एकत्रित करून संमिश्र धोरण राबवण्याचे निर्देश हवेच्या गुणवत्ता व्यवस्थापन आयोगाला (सी. ए. क्यू. एम.) देण्यात आले आहेत.

दिल्ली शहराच्या हवा गुणवत्तेत किंचीत सुधारणा

दरम्यान, ऑनलाइन आणि ऑफलाइन (संकरीत) शाळेचे मॉडेल आणि बांधकामावरील बंदी उठवण्याचा कोणताही निर्णय अधिकाऱ्यांनी अद्याप घेतलेला नाही. येत्या काही दिवसांत नवीन घोषणा अपेक्षित आहे. सर्वाधिक प्रदूषणाच्या वेळी रहिवाशांना मार्गदर्शक तत्त्वांचे पालन करण्याचा आणि बाह्य क्रियाकलाप टाळण्याचा सल्ला देण्यात आला आहे.