Lucknow Birthday Celebration Video PC TWITTER

Lucknow Birthday Celebration Video: प्रसिध्दी मिळवण्यासाठी लोक काय करतील याचा नेम नाही. वाढदिवस साजरा करणाऱ्यासाठी तरुणांनी जे काही केलं त्यासाठी त्याला चांगलीच शिक्षा भोगावील लागणार आहे. सोशल मीडियावर उत्तर प्रदेशातील (Uttar Pradesh) लखनऊ येथील मित्राचा वाढदिवस साजरा करत असल्याचा  व्हिडिओ व्हायरल होत आहे. वाढदिवस साजरा करण्यासाठी तरुणांनी शक्कल लढवत रस्त्याच्या मधोमध अनेक गाड्या पार्क केले आहे. रस्त्याच्या मधोमध गोंधळ आणि रस्त्याच्या नियमांचे उल्लघंन केल्याची घटना कॅमेऱ्यात कैद झाली आहे. (हेही वाचा- प्रायव्हेट पार्ट मधून सोन्याची तस्करी करणार्‍या Air India Express च्या महिला कर्मचारी ला अटक

मिळालेल्या माहितीनुसार, व्हायरल झालेला व्हिडिओ सुशांत गोल्फ सिटी परिसरातील एकना स्टेडियमजवळचा आहे. व्हिडिओत दिसल्याप्रमाणे, रस्त्याच्या मधोमध तरुणांनी अनेक महागड्या गाड्या अडवून पार्क केल्या आहेत. रस्त्याच्या एकीकडे फटाके पेटवताना दिसत आहे. एक रस्त्याच्या मधोमध उभे राहून केक कापनाता दिसत आहे. काही जण पार्क केलेल्या गाड्यांच्या छतावर ही उभे आहेत.

सोशल मीडियावर प्रसिध्द होण्यासाठी लोक कोणत्याही थराला जाऊ शकतात. हे याचे उदाहरण आहे. सेलिब्रेशनच्या नावाखाली वाहतूकीचे नियमांच्या उल्लंघन केल्याने या अनेकांनी संताप व्यक्त केला आहे. नेटकऱ्यांनी यांच्यावर कारवाई करा अशी विनंती केली आहे. लखनऊ पोलिस या तरुणाचा शोध घेत आहे. आरोपींवर कारवाई केली जाणार अशी माहिती पोलिसांनी माध्यमांना दिली आहे. लवकरच आरोपींना अटक करण्यात येईल. रस्त्याच्या  नियमांचे उल्लघंन केल्या प्रकरणी गुन्हा दाखल झाला आहे.