QuickLY
Socially
Hyderabad Murder Case: हैदराबादमध्ये श्रद्धा हत्याकांडासारखे कृत्य घडलं आहे. बुधवारी 55 वर्षीय महिला साथीदाराची हत्या केल्याच्या आरोपाखाली शेअर बाजारातील दलालाला अटक करण्यात आली आहे. दोघांमध्ये अवैध संबंध होते. पीडितेचे कापलेले डोके काही दिवसांपूर्वी एका डंपिंग यार्डमध्ये सापडले होते, त्यानंतर आठवडाभर चाललेल्या तपासात अनेक खळबळजनक खुलासे झाले आणि 48 वर्षीय व्यक्तीला अटक करण्यात आली. हत्येनंतर आरोपीने आपल्या साथीदाराच्या मृतदेहाचे दगड कापण्याच्या यंत्राने 6 तुकडे केले आणि फ्रीजमध्ये ठेवले, नंतर वेगवेगळ्या ठिकाणी फेकले. आरोपीने पीडितेचे पाय आणि हात घरातील फ्रिजमध्ये ठेवले होते आणि दुर्गंधी येऊ नये म्हणून त्यावर परफ्यूम फवारला होता. 17 मे रोजी हैदराबाद पोलिसांना शहरातील मुसी नदीजवळ एक छिन्नविछिन्न शीर सापडले. हे गूढ उकलल्यानंतर गुरुवारी हा धक्कादायक गुन्हा उघडकीस आला. हे प्रकरण दिल्लीतील श्रद्धा वालकर आणि निक्की यादव खून प्रकरणासारखेच आहे, ज्यात आरोपींनी पीडित मुलींच्या शरीराचे अवयव कापून ते फ्रीझमध्ये ठेवल्यानंतर वेगवेगळ्या ठिकाणी फेकले होते.
दक्षिण-पूर्व विभागाचे डीसीपी रुपेश चेन्नूरी यांनी सांगितले की, पोलिसांनी बी.के. चंद्र मोहनला अटक करण्यात यश आले. 55 वर्षीय आरोपीचे 48 वर्षीय याराम अनुराधा रेड्डीसोबत गेल्या 15 वर्षांपासून अनैतिक संबंध होते. महिलेच्या पतीचे अनेक वर्षांपूर्वी निधन झाले होते, त्यानंतर तिने रुग्णालयात परिचारिका म्हणूनही काम केले होते. पीडित अनुराधा ही आरोपी चंद्र मोहनसोबत त्याच्या चैतन्यपुरी कॉलनी, दिलसुखनगर येथील घरी राहत होती. (हेही वाचा - Hyderabad Shocker: पार्किंग लॉट मध्ये झोपलेल्या 3 वर्षीय मुलावर चढली कार; सुन्न करणार्‍या घटनेचा व्हिडीओ वायरल)
प्राप्त माहितीनुसार, ही महिला 2018 पासून गरजूंना व्याजावर पैसे देत होती. चंद्रमोहनने ऑनलाइन व्यवसाय करण्यासाठी तिच्याकडून सुमारे 7 लाख रुपये घेतल्याने त्यांच्यात मतभेद झाले, परंतु महिलेने वारंवार विनंती करूनही आरोपी पैसे परत करू शकला नाही. त्यानंतर महिलेने त्याच्यावर पैशांसाठी दबाव टाकला असता, त्याने तिच्यावर राग मनात धरून तिला मारण्याचा कट रचला.
12 मे रोजी आरोपींनी अनुराधासोबत भांडण करून तिच्यावर चाकूने हल्ला केला. त्याने तिच्या छातीवर आणि पोटावर चाकूने वार केले, ज्यामुळे तिचा मृत्यू झाला. खून केल्यानंतर आरोपींनी मृतदेहाचे तुकडे करून त्याची विल्हेवाट लावण्यासाठी दोन लहान दगड कापण्याची मशीन खरेदी केली. धडापासून डोके कापून काळ्या पॉलिथिनच्या आवरणात ठेवले. त्यानंतर त्याने धडापासून पाय आणि हात वेगळे केले, पाय आणि हात रेफ्रिजरेटरमध्ये ठेवले आणि धड विल्हेवाट लावण्यासाठी सूटकेसमध्ये ठेवले.
दरम्यान, 15 मे रोजी आरोपी ऑटोरिक्षाने मुशी नदीजवळ पोहोचला आणि त्यांनी अनुराधाचे कापलेले डोके तेथे फेकले. त्यानंतर आरोपींनी फिनाइल, डेटॉल, सुगंधी अगरबत्ती आणि कापूर विकत घेतले आणि अनुराधाच्या शरीराच्या छिन्नविछिन्न भागांवर नियमितपणे शिंपडले, जेणेकरून आसपासच्या परिसरात दुर्गंधी पसरू नये. शरीराच्या अवयवांची विल्हेवाट कशी लावायची याचे व्हिडिओही त्यांनी सोशल मीडियावर पाहिले.
पोलिसांनी दिलेल्या माहितीनुसार, तो मृताच्या मोबाईलवरून मेसेज पाठवत होता, जेणेकरून तिच्या ओळखीच्या लोकांना विश्वास बसेल की ती जिवंत आहे आणि इतरत्र राहत आहे. 17 मे रोजी स्वच्छता कर्मचार्‍यांना मुशी नदीजवळील अफझल नगर कम्युनिटी हॉलसमोरील कचऱ्याच्या ढिगाऱ्यात एका महिलेचे छिन्नविच्छेदन केलेले शीर सापडले, त्यांनी पोलिसांना कळवले. मलकपेठ पोलिसांनी गुन्हा दाखल करून या प्रकरणाचा छडा लावण्यासाठी आठ पथके तयार केली. सीसीटीव्ही फुटेजचे स्कॅनिंग आणि इतर तांत्रिक उपकरणांचा वापर करून सखोल तपास केल्यानंतर पोलिसांनी आरोपीची ओळख पटवली. आरोपीने आपला गुन्हा मान्य केला आहे. पोलिसांनी पीडितेचे शरीर तिच्या घरातून जप्त केले आणि पोस्टमॉर्टमसाठी पाठवले.
