Bhaai - Vyakti Kee Valli Trailer : पु.ल.देशपांडे यांचा जीवनपट रूपेरी पडद्यावर झळकणार, दोन भागांमध्ये प्रदर्शित होणार सिनेमा

Bhaai - Vyakti Kee Valli Trailer :  महाराष्ट्राचं लाडकं आणि अष्टपैलू व्यक्तिमत्त्व म्हणजे पु.ल. देशपांडे(P.L. Deshpande) . यंदाचं वर्ष हे पु ल देशपांडे यांचं जन्मशताब्दी वर्ष म्हणून साजरं केलं जात आहे. पु. ल देशपांडे या व्यक्तीमध्ये साहित्यिक, अभिनेता, संगीतकार, वक्ता, विचारवंत अशा अनेक वल्ली बाजू होत्या. त्यामुळे रूपेरी पडद्यावर पु.ल. देशपांडे यांच्या व्यक्तिमत्त्वातील अनेक कंगोरे 'भाई- व्यक्ती की वल्ली' (Bhaai - Vyakti Kee Valli) या मराठी सिनेमातून पहायला मिळणार आहेत. महेश मांजरेकर (Mahesh Manjrekar)  यांनी पु.ल देशपांडे यांचे व्यक्तिमत्त्व रूपेरी पडद्यावर आणण्याचे शिवधनुष्य उचलले आहे.

भाई - व्यक्ती की वल्ली या सिनेमात पु.ल देशपांडे यांच्या प्रमुख भूमिकेत अभिनेता सागर देशमुख झळकणार आहे तर सुनिताबाई देशपांडे या पु ल देशपांडे यांच्या पत्नीच्या भूमिकेत अभिनेत्री इरावती हर्षे आहे. बालवयातील पु ल देशपांडे यांची भूमिका सक्षम कुलकर्णी याने साकारली आहे. Bhai - Vyakti Ki Valli सिनेमाचा पहिला टीझर  

भाई - व्यक्ती की वल्ली या सिनेमाच्या ट्रेलरमध्ये स्वच्छंदी जगलेल्या पु ल देशपांडे यांच्या वैयक्तित आयुष्यातील काही प्रसंगाची झलक पहायला मिळते. महेश मांजरेकर दिग्दर्शित हा सिनेमा 4 जानेवारी 2019 ला सिनेमाचा पुर्वाध तर 8 फेब्रुवारीला सिनेमाचा उत्तरार्ध प्रदर्शित होणार आहे प्रदर्शित होणार आहे. या सिनेमात अभिनेत्री मृण्मयी देशपांडे, सचिन खेडेकर, अभिजीत चव्हाण,सारंग साठ्ये  हे कलाकार खास भूमिकेत दिसणार आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)