Virat Kohli Milestone: तिसऱ्या क्रमांकावर फलंदाजी करताना विराट कोहलीला इतिहास रचण्याची संधी, आंतरराष्ट्रीय क्रिकेटमध्ये करणार 14 हजार धावा पूर्ण
आंतरराष्ट्रीय क्रिकेटमध्ये तिसऱ्या क्रमांकावर फलंदाजी करताना विराट कोहली 14000 धावा पूर्ण करण्यापासून अवघ्या काही धावा दूर आहे, जे तो सहज साध्य करेल. आशिया चषकात टीम इंडियाला उद्या म्हणजेच 2 सप्टेंबरला पाकिस्तानविरुद्ध (IND vs PAK) पहिला सामना खेळायचा आहे.
टीम इंडियाने आजपासून आशिया चषकात आपल्या मोहिमेला सुरुवात केली आहे. पहिल्याच सामन्यात टीम इंडियाचा सर्वात मोठा प्रतिस्पर्धी पाकिस्तानशी (IND vs PAK) सामना होणार आहे. या हायव्होल्टेज मॅचकडे भारत आणि पाकिस्तानच्याच नव्हे तर जगभरातील क्रिकेटप्रेमींच्या नजरा लागल्या आहेत. दरम्यान, टीम इंडियाचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे. टीम इंडियाचा स्टार फलंदाज विराट कोहलीला (Virat Kohli) आशिया कप 2023 (Asia Cup 2023) मध्ये इतिहास रचण्याची सुवर्णसंधी आहे. वास्तविक, आंतरराष्ट्रीय क्रिकेटमध्ये तिसऱ्या क्रमांकावर फलंदाजी करताना विराट कोहली 14000 धावा पूर्ण करण्यापासून अवघ्या काही धावा दूर आहे, जे तो सहज साध्य करेल.
विराट अनोखा विक्रम करणार आपल्या नावावर
विराट कोहली आंतरराष्ट्रीय क्रिकेटमध्ये तिसऱ्या क्रमांकावर फलंदाजी करून एक अनोखा विक्रम आपल्या नावावर करू शकतो. तिसऱ्या क्रमांकावर फलंदाजी करताना विराट कोहली आंतरराष्ट्रीय क्रिकेटमध्ये 14000 हजार धावा करण्यापासून फक्त 79 धावा दूर आहे. विराट कोहली हा मोठा विक्रम केवळ एकाच सामन्यात करू शकतो. विराट कोहलीला आशिया कपचा पहिला सामना पाकिस्तानविरुद्ध खेळायचा आहे. पाकिस्तानविरुद्ध विराट कोहलीच्या बॅटने जोरदार फटकेबाजी केली आहे.
तिसऱ्या क्रमांकावर विराट कोहलीने 13921 धावा केल्या
तिसऱ्या क्रमांकावर फलंदाजी करत विराट कोहलीने आंतरराष्ट्रीय क्रिकेटच्या सर्व फॉरमॅटमध्ये कसोटी, एकदिवसीय आणि टी-20 मध्ये एकूण 13921 धावा केल्या आहेत. तिसऱ्या क्रमांकावर फलंदाजी करताना विराट कोहलीला 14000 धावा पूर्ण करण्यासाठी फक्त 79 धावांची गरज आहे. विराट कोहलीने आशिया कप 2023 मध्ये 79 धावा केल्या तर तिसऱ्या क्रमांकावर फलंदाजी करताना त्याच्या 14,000 धावा पूर्ण होतील. (हे देखील वाचा: IND vs PAK Pitch Report: बाबर किंवा रोहितला नाणेफेक जिंकूनच घ्यावा लागेल हा निर्णय, जाणून घ्या कशी असेल खेळपट्टी)
विराट कोहलीची क्रिकेट कारकीर्द
टीम इंडियाचा स्टार फलंदाज विराट कोहली टीम इंडियासाठी 500 हून अधिक आंतरराष्ट्रीय सामने खेळला आहे. 'रन मशीन' कोहलीने आतापर्यंत 111 कसोटी सामन्यांमध्ये 8676 धावा केल्या आहेत. याशिवाय 275 एकदिवसीय सामन्यांच्या 265 डावांमध्ये 12898 धावा केल्या आहेत आणि टी-20 मध्ये विराट कोहलीने 115 सामन्यांच्या 107 डावात 4008 धावा केल्या आहेत. विराट कोहलीच्या नावावर आतापर्यंत एकूण 76 शतके आहेत. यासोबतच जगात सर्वाधिक शतके ठोकण्याच्या बाबतीत विराट दुसऱ्या स्थानावर आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)