प्रशिक्षक Rahul Dravid च्या प्रश्नांना Virat Kohli ने दिले मजेशीर उत्तरे, WTC फायनलबाबत सांगितली मोठी गोष्ट, पहा व्हिडिओ
कोहलीने या सामन्यात 186 धावांची खेळी केली आणि तीन वर्षांचा शतकांचा दुष्काळही संपवला. यामुळे कोहलीला सामनावीराचा पुरस्कारही देण्यात आला.
भारत आणि ऑस्ट्रेलिया (IND vs AUS) यांच्यात अहमदाबादमध्ये खेळल्या गेलेल्या कसोटी सामन्यात टीमचा स्टार खेळाडू विराट कोहलीने (Virat Kohli) चमकदार कामगिरी केली. कोहलीने या सामन्यात 186 धावांची खेळी केली आणि तीन वर्षांचा शतकांचा दुष्काळही संपवला. यामुळे कोहलीला सामनावीराचा पुरस्कारही देण्यात आला. त्याचवेळी सामना संपल्यानंतर प्रशिक्षक राहुल द्रविड (Rahul Dravid) यांनी त्यांची मुलाखत घेतली ज्यामध्ये कोहलीने अनेक मुद्द्यांवर चर्चा केली.
ही शतकी खेळी पाहणे खूप खास होते - राहुल द्रविड
विराट कोहली जेव्हा शतक करतो तेव्हा सगळेच त्याचे चाहते होतात. प्रशिक्षक राहुल द्रविडच्या बाबतीतही असेच घडले. तो मुलाखतीच्या सुरुवातीला म्हणाला, 'मी टीव्हीवर तुझे शतक अनेकदा पाहिले आहे, पण प्रशिक्षक म्हणून माझ्या डोळ्यांसमोर ते पाहणे हा खूप खास क्षण होता.' (हे देखील वाचा: IND vs AUS 4th Test: सामनावीर ठरताच Virat Kohli ने केला विश्वविक्रम, असा करणारा ठरला जगातील एकमेव खेळाडू)
पहा व्हिडिओ
विराट कोहली इंग्लंडमध्येही असाच खेळणार का?
या मुलाखतीत प्रशिक्षक राहुल द्रविडने विराट कोहलीला विचारले की तो इंग्लंडमध्ये कसा खेळणार आहे, ज्याला विराटने अनोख्या पद्धतीने उत्तर दिले. विराट म्हणतो की, 'प्रत्येक ठिकाणानुसार मी स्वत:ला बदलतो आणि जेव्हा मी इंग्लंडमध्ये खेळतो तेव्हा मी तिथे वेगळा आणि अहमदाबादमध्ये वेगळा दिसतो. सामन्याच्या स्थितीनुसार प्रत्येकाने स्वत:ला बदलायला हवे, असेही तो म्हणतो.
डब्ल्यूटीसी फायनलबद्दल विराट कोहलीने हे सांगितले
या खास मुलाखतीत विराट कोहली म्हणाला की, 'मी कधीच शतकसाठी खेळत नाही, ते चांगले खेळूनच साध्य होते. तो म्हणाला की, 'जागतिक कसोटी चॅम्पियनशिपच्या अंतिम सामन्याबद्दल मी खूप उत्सुक आहे आणि मी खूप चांगल्या मानसिकतेने आणि शांततेने त्यात जात आहे आणि आशा करतो की निकाल चांगला लागेल.'