PBKS vs RR Head To Head: प्लेऑफच्या शर्यतीत कायम राहण्यासाठी राजस्थान आणि पंजाबमध्ये होणार चुरशीचा सामना, पहा हेड टू हेड आकडेवारी
दोन्ही संघांसाठी हा सामना जिंकणे खूप महत्त्वाचे आहे. सामन्यात पराभूत होताच या मोसमात दोघांचा प्रवास संपेल.
इंडियन प्रीमियर लीग 2023 (IPL 2023) मध्ये शुक्रवारी राजस्थान रॉयल्स आणि पंजाब किंग्ज यांच्यात (PBKS vs RR) सामना होणार आहे. हिमाचल क्रिकेट असोसिएशन स्टेडियमवर (Himachal Cricket Association Stadium) संध्याकाळी साडेसात वाजल्यापासून हा सामना होणार आहे. दोन्ही संघांसाठी हा सामना जिंकणे खूप महत्त्वाचे आहे. सामन्यात पराभूत होताच या मोसमात दोघांचा प्रवास संपेल. राजस्थानने या मोसमात आतापर्यंत 13 सामने खेळले आहेत, ज्यामध्ये संघाने 6 जिंकले आहेत आणि 7 गमावले आहेत. संघाचे सध्या 12 गुण आहेत. सध्या संघ गुणतालिकेत सहाव्या क्रमांकावर आहे. गेल्या सामन्यात रॉयल चॅलेंजर्स बंगळुरूकडून संघाला दारुण पराभवाला सामोरे जावे लागले होते.
कोण आहे वरचढ?
विशेष म्हणजे आयपीएलमध्ये पंजाब किंग्ज आणि राजस्थान रॉयल्स यांच्यात आतापर्यंत 25 सामने खेळले गेले आहेत. यादरम्यान राजस्थानने 14 सामने जिंकले आहेत. दुसरीकडे पंजाबने 11 सामने जिंकले आहेत. मात्र, 16व्या मोसमात पंजाबने केवळ एकच सामना जिंकला आहे. मात्र, राजस्थानचा वरचष्मा दिसत आहे. पण यावेळी आरआर आपला दबदबा कायम ठेवतो की पंजाब दुहेरी हेडरवरही विजय मिळवणार हे पाहणे बाकी आहे. दोन्ही संघांमध्ये चुरशीची लढत पाहायला मिळणार आहे. (हे देखील वाचा: PBKS vs RR Live Streaming Online: 'करो किंवा मरो'च्या सामन्यात पंजाब आणि राजस्थान संघ आमनेसामने, जाणून घ्या कधी आणि कुठे पाहणार सामना)
दोन्ही संघांची संभाव्य प्लेइंग 11
पंजाब किंग्ज: शिखर धवन (कर्णधार), प्रभसिमरन सिंग, भानुका राजपक्षे/मॅथ्यू शॉर्ट, लियाम लिव्हिंगस्टोन, जितेश शर्मा (विकेटकीपर), शाहरुख खान, सॅम करण, राहुल चहर, नॅथन एलिस, हरप्रीत ब्रार आणि अर्शदीप सिंग.
राजस्थान रॉयल्स: राजस्थान रॉयल्स - संजू सॅमसन (कर्णधार आणि विकेटकीपर), जोस बटलर, यशस्वी जैस्वाल, देवदत्त पडिक्कल, शिमरॉन हेटमायर, रविचंद्रन अश्विन, ध्रुव जुरेल, ट्रेंट बोल्ट, अॅडम झाम्पा, युझवेंद्र चहल आणि संदीप शर्मा.