Pakistan vs Bangladesh Head To Head Record: पाकिस्तानची बांगलादेशसमोर दुसरी ‘कसोटी’, पाहा हेड टू हेड आकडेवारी कुणाच्या बाजूने?

Pakistan National Cricket Team vs Bangladesh National Cricket Team: पाकिस्तान राष्ट्रीय क्रिकेट संघ (Pakistan National Cricket Team)  आणि बांगलादेश राष्ट्रीय क्रिकेट संघ (Bangladesh National Cricket Team) यांच्यात उद्यापासून म्हणजेच 30 ऑगस्टपासून दोन सामन्यांच्या कसोटी मालिकेतील दुसरी कसोटी खेळवली जाणार आहे. दोन्ही संघांमधील हा सामना रावळपिंडी येथील रावळपिंडी क्रिकेट स्टेडियमवर भारतीय वेळेनुसार सकाळी 10.30 वाजता खेळवला जाईल. पहिल्या कसोटीत बांगलादेश संघाने पाकिस्तानचा 10 गडी राखून पराभव करत मालिकेत 1-0 अशी आघाडी घेतली. नजमुल हुसेन शांतोच्या नेतृत्वाखाली बांगलादेशचा संघ मालिका जिंकण्याच्या इराद्याने उतरणार आहे. दुसरीकडे पाकिस्तानची कमान शान मसूदच्या हाती आहे.

पाकिस्तान मालिकेत पिछाडीवर

सध्या मालिकेत पिछाडीवर असलेल्या पाकिस्तान संघाने दुसऱ्या कसोटीसाठी अबरार अहमद, कामरान गुलाम आणि आमेर जमाल यांचा आपल्या संघात समावेश केला आहे. पाकिस्तान क्रिकेट बोर्डाने (पीसीबी) याची अधिकृत घोषणा केली आहे. (हे देखील वाचा: Black Day For Pakistan Cricket: ड्रेसिंग रुममध्ये राडा! शाहीन आफ्रिदी आणि शान मसूद भिडले, वेगवान गोलंदाज दुसऱ्या कसोटीतून बाहेर)

पाकिस्तानच्या भूमीवर दोन्ही संघांची कामगिरी 

बांगलादेशने पाकिस्तानच्या भूमीवर एकूण 6 कसोटी सामने खेळले आहेत. या कालावधीत पाकिस्तान संघाने पाच कसोटी सामने जिंकले आहेत. तर शेवटच्या सामन्यात बांगलादेशच्या संघाने पाकिस्तानचा दहा गडी राखून पराभव करत विजयाचे खाते उघडले आहे. बांगलादेश संघाने शेवटची वेळ 2020 मध्ये पाकिस्तानचा दौरा केला होता. पहिल्या कसोटी सामन्यात बांगलादेश संघाचा एक डाव आणि 44 धावांनी मोठा पराभव झाला. कोरोना महामारीमुळे दुसरा सामना खेळला गेला नाही. त्याच वेळी, एकमेव एकदिवसीय सामना देखील कोरोनामुळे खेळला गेला नाही.

हेड टू हेड रेकॉर्ड

पाकिस्तान आणि बांगलादेश यांच्यातील पहिली कसोटी 2001 मध्ये खेळली गेली होती. दोन्ही संघांमध्ये आतापर्यंत एकूण 14 कसोटी सामने खेळले गेले आहेत. या कालावधीत पाकिस्तान संघाने 12 सामने जिंकले आहेत. तर बांगलादेश संघाने 1 सामना जिंकला आहे. तर 1 कसोटी  अनिर्णित राहिली आहे. शेवटच्या वेळी 2021 मध्ये दोन्ही संघ 2 सामन्यांच्या कसोटी मालिकेत आमनेसामने आले होते. पाकिस्तान संघाने ही मालिका 2-0 ने जिंकली होती.

बांगलादेशला मालिका जिंकण्याची सुवर्णसंधी 

बांगलादेशने पहिल्या कसोटीत 10 गडी राखून विजय मिळवला होता. बांगलादेशचा पाकिस्तानविरुद्ध कसोटी क्रिकेटमधील हा पहिला विजय ठरला. नझमुल हशन शांतोच्या नेतृत्वाखाली बांगलादेशने मालिकेतील दुसरी कसोटी जिंकली किंवा अनिर्णित ठेवली तर ते कसोटी क्रिकेटच्या इतिहासात प्रथमच पाकिस्तानविरुद्ध कसोटी मालिका जिंकेल. पाकिस्तानने बांगलादेशला ५ कसोटी मालिकेत पराभूत केले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)