IND vs ENG 1st Test 2025: केएल राहुल आणि यशस्वी जैस्वाल यांनी रचला इतिहास; इंग्लंडमध्ये केली सर्वात मोठी ओपनिंग पार्टनरशिप
इंग्लंडमधील पहिल्या कसोटीत भारताची ही सर्वोच्च सलामी भागीदारी आहे. जयस्वाल आणि राहुल यांनी 39 वर्षांचा विक्रम मोडला आहे. या जोडीने सुनील गावस्कर आणि के. श्रीकांत यांचा विक्रम मोडला आहे, ज्यांनी 1986 मध्ये इंग्लंडविरुद्ध 64 धावांची सलामी भागीदारी केली होती.
India National Cricket Team vs England National Cricket Team: भारत आणि इंग्लंड यांच्यात लीड्स येथील हेडिंग्ले येथे खेळल्या जाणाऱ्या पहिल्या कसोटी सामन्यात (IND vs ENG 1st Test 2025) केएल राहुल (KL Rahul) आणि यशस्वी जयस्वाल (Yashasvi Jaiswal) यांनी इतिहास रचला आहे. दोघांनीही पहिल्या विकेटसाठी 91 धावांची भागीदारी केली. इंग्लंडमधील पहिल्या कसोटीत भारताची ही सर्वोच्च सलामी भागीदारी आहे. जयस्वाल आणि राहुल यांनी 39 वर्षांचा विक्रम मोडला आहे. या जोडीने सुनील गावस्कर आणि के. श्रीकांत यांचा विक्रम मोडला आहे, ज्यांनी 1986 मध्ये इंग्लंडविरुद्ध 64 धावांची सलामी भागीदारी केली होती. (हे देखील वाचा: IND vs ENG 1st Test 2025: करुण नायरची 8 वर्षांनंतर भारतीय संघात पुनरागमन; 2 टेस्टमधील सर्वाधिक अंतर असलेल्या टॉप 5 भारतीय खेळाडूंची यादी पाहा!)
भारताच्या परदेश दौऱ्यातील पहिल्या कसोटीच्या पहिल्या डावात सर्वाधिक सलामी भागीदारी
283 मुरली विजय - शिखर धवन बांगलादेश 2015 मध्ये
160 वीरेंद्र सेहवाग - आकाश चोप्रा विरुद्ध पाकिस्तान मुल्तान 2004
117 केएल राहुल - मयंक अग्रवाल विरुद्ध दक्षिण आफ्रिका सेंच्युरियन 2021
91 यशस्वी जयस्वाल - केएल राहुल विरुद्ध इंग्लंड लीड्स 2025
राहुल बाद झाला
भारताला चांगली सुरुवात देऊन केएल राहुल पॅव्हेलियनमध्ये परतला. त्याने या सामन्यात 78 चेंडूत 42 धावांची खेळी केली. तो उत्तम लयीत दिसत होता. त्याच्या खेळीदरम्यान त्याने 8 चौकारही मारले. तथापि, ब्रायडन कार्सेच्या चेंडूवर राहुलला पॅव्हेलियनमध्ये परतावे लागले. तथापि, यशस्वी जयस्वाल शुभमन गिलसोबत स्कोरबोर्ड चालवत आहे.
दोन्ही संघाची प्लेइंग 11
भारत (प्लेइंग इलेव्हन): यशस्वी जयस्वाल, केएल राहुल, साई सुदर्शन, शुभमन गिल (कर्णधार), ऋषभ पंत (विकेटकीपर), करुण नायर, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, प्रसीध कृष्णा.
इंग्लंड (प्लेइंग इलेव्हन): झॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (विकेटकीपर), ख्रिस वोक्स, ब्रायडन कार्स, जोश टंग, शोएब बशीर
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)