Gujarat Titans Road To Final: मुंबई इंडियन्सचा पराभव करून गुजरात टायटन्स आयपीएल 2023 च्या फायनलमध्ये पोहोचले, येथे जाणून घ्या 'जीटी'चा या मोसमाचा कसा होता प्रवास

इंडियन प्रीमियर लीगचा 16वा (IPL 2023) हंगाम आता अंतिम टप्प्यात पोहोचला आहे. या मोसमात एकच सामना शिल्लक आहे. आयपीएलच्या या मोसमातील दुसरा क्वालिफायर सामना शुक्रवारी गुजरात टायटन्स आणि मुंबई इंडियन्स (MI vs GT) यांच्यात खेळला गेला. क्वालिफायर 2 मध्ये, गुजरात टायटन्सने मुंबई इंडियन्सचा 62 धावांनी पराभव करून अंतिम फेरीत आपले स्थान निश्चित केले. मुंबई इंडियन्सचा पराभव करण्यात गुजरात टायटन्सला यश मिळण्याची ही पहिलीच वेळ आहे. गुजरात टायटन्स संघाने सलग दुसऱ्यांदा अंतिम फेरीत आपले स्थान पक्के केले आहे. आता 28 मे रोजी अहमदाबादच्या नरेंद्र मोदी स्टेडियमवर (Ahmedabad's Narendra Modi Stadium) होणाऱ्या विजेतेपदाच्या लढतीत गतविजेत्या गुजरात टायटन्सचा सामना आयपीएलमधील दुसऱ्या क्रमांकाचा सर्वात यशस्वी संघ चेन्नई सुपर किंग्जशी होणार आहे.

 चेन्नईला हारवुन केली होती विजयाची सुरुवात

मागील हंगामात पॉइंट टेबलमध्ये अव्वल स्थानावर असलेल्या गुजरात टायटन्सने या मोसमाची सुरुवात चेन्नई सुपर किंग्जविरुद्ध विजयाने केली होती, मात्र चालू मोसमातील पहिल्या क्वालिफायरमध्ये चेन्नई सुपर किंग्जने गुजरात टायटन्सचा पराभव करत बरोबरी साधत अंतिम फेरीत स्थान निश्चित केले. संपूर्ण मोसमात गुजरात टायटन्सने एकदाच विजयाची हॅट्ट्रिक केली. साखळी स्पर्धेदरम्यान गुजरात टायटन्सने 14 पैकी 10 सामने जिंकले. साखळी स्पर्धेत 10 सामने जिंकणारा गुजरात टायटन्स हा एकमेव संघ होता.

केकेआरने गुजरातचा विजयी रथ रोखला

कोलकाता नाईट रायडर्सने हार्दिक पांड्याच्या नेतृत्वाखालील गुजरात टायटन्सचा विजयी रथ रोखला. पहिले दोन सामने जिंकल्यानंतर गुजरात टायटन्सला घरच्या मैदानावर कोलकाता नाईट रायडर्सकडून पहिला पराभव झाला. यानंतर मोहालीत पंजाब किंग्जविरुद्ध विजयाची नोंद करत गुजरात टायटन्सने पुन्हा विजयाच्या रथावर स्वार झाला. (हे देखील वाचा: CSK Road To Final: एमएस धोनीसाठी चेन्नई सुपर किंग्जला अंतिम फेरीत पोहोचवणे सोपे नव्हते, येथे जाणून घ्या सीएसकेचा या मोसमात कसा होता प्रवास)

मुंबईविरुद्ध गुजरातने घरच्या मैदानावर केले पुनरागमन 

गुजरात टायटन्सने घरच्या मैदानावर 7 पैकी 4 सामने जिंकले, तर तीन सामन्यांत पराभवाचा सामना करावा लागला. घरच्या मैदानावर विजयाने सुरुवात करणाऱ्या गुजरात टायटन्सला दुसऱ्या सामन्यात कोलकाता नाईट रायडर्सकडून तर तिसऱ्या सामन्यात राजस्थान रॉयल्सकडून पराभवाचा सामना करावा लागला. गुजरात टायटन्सने चौथ्या सामन्यात मुंबई इंडियन्सचा पराभव करत पुन्हा एकदा पुनरागमन केले. यानंतर दिल्ली कॅपिटल्सकडून पराभव पत्करावा लागला, मात्र त्यानंतर लखनौ सुपर जायंट्स आणि सनरायझर्स हैदराबाद यांच्याविरुद्ध विजय मिळवून त्यांनी प्लेऑफमध्ये स्थान निश्चित केले.

चेन्नई सुपर किंग्जकडून पराभवानंतर अडचणी वाढल्या

आयपीएलच्या 16व्या मोसमातील पहिल्या क्वालिफायर सामन्यात चेन्नई सुपर किंग्जने गुजरात टायटन्सचा पराभव करत अंतिम फेरी गाठली. चेन्नई सुपर किंग्जकडून पराभव स्वीकारल्यानंतर गुजरात टायटन्सच्या अडचणीत वाढ झाली होती. मात्र दुसऱ्या क्वालिफायरमध्ये मुंबई इंडियन्सविरुद्ध चमकदार कामगिरी करत त्यांनी विजेतेपदाच्या लढतीत आपले स्थान पक्के केले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)