क्रिकेट फॅन्ससाठी खुशखबर! कोरोना काळात ऑस्ट्रेलियामध्ये 6 जूनपासून सुरु होणार स्पर्धात्मक क्रिकेट, खेळाडूंना करावे लागणार 'या' नियमांचे पालन

स्पर्धात्मक क्रिकेट ऑस्ट्रेलियामध्ये (Australia) परतणार आहे. ऑस्ट्रेलियाच्या भूमीवर सुमारे तीन महिन्यांनंतर क्रिकेटला सुरुवात होईल. जगभरातील सर्व क्रिकेट सामने मार्चमध्ये कोरोना व्हायरसमुळे (Coronavirus) पुढे ढकलले किंवा रद्द केले गेले होते, परंतु आता ऑस्ट्रेलियामध्ये आता क्लब क्रिकेटला सुरुवात होणार आहे. ऑस्ट्रेलियामध्ये डार्विन (Darwin) आणि जिल्हा क्रिकेट स्पर्धे (District Cricket Competition) अंतर्गत टी-20 स्पर्धा 6 जूनपासून सुरू होईल. देशांतर्गत स्पर्धा क्रिकेट ऑस्ट्रेलियाने निश्चित केलेल्या सुरक्षा मार्गदर्शक सूचनांनुसार खेळली जाईल. या स्पर्धेत, खेळाडूंना लाळ किंवा घामाने चेंडू चमकण्याची परवानगी दिली जाणार नाही. डार्विन क्रिकेट मॅनेजमेंट (DCM) चेंडू चमकावण्याच्या विविध पर्यायांचा शोध घेत आहेत यात अंपायरच्या उपस्थितीत वॅक्स पोलिश लावण्याचाही समावेश आहे. स्पर्धांमध्ये भाग घेण्यापूर्वी क्लबांना कोविड-19 सेफ्टी असेसमेंट योजना पूर्ण करावी लागेल आणि ती उत्तर प्रांत सरकारकडे सुपूर्द करावी लागेल आणि त्यानंतरच त्यांना खेळण्यास मान्यता दिली जाईल. (Coronavirus: पुढील आठवड्यात सुरु होणार इंग्लंड क्रिकेटर्सची ट्रेनिंग, प्रशिक्षणासाठी गोलंदाज वैयक्तिक बॉलचा करणार वापर)

“नवीन मार्ग शोधण्याच्या दृष्टीने आयसीसी जगातील सर्व क्रिकेट संघटनांशी खरोखर लक्षपूर्वक काम करीत आहे,” डीसीएमचे अध्यक्ष लचलान बेय यांनी एबीसी ग्रँडस्टँडला सांगितले. ते म्हणाले, "आम्हाला खात्री आहे की क्रिकेट ऑस्ट्रेलियाकडून काय मंजूर असेल आणि काय नाही याविषयी स्पष्ट मार्गदर्शक सूचना मिळतील. क्रिकेटमध्ये बॉलला मेण पॉलिश लावणे ही एक सामान्य गोष्ट होऊ शकते का यावर विचार केला जात आहे. किंवा चेंडूला चमकावले जाणार नाही. अंपायरांच्या उपस्थितीत प्रक्रिया औपचारिक होईल." चेंडू चमकण्यासाठी घाम आणि लाळ वापरण्यास गोलंदाजांना बंदी घालण्याला क्रिकेट जगतुं मिश्र प्रतिक्रिया मिळाल्या आहेत. तथापि, कोरोना व्हायरस दरम्यान मोम वापरणे अधिक सुरक्षित आणि आरोग्यदायी प्रक्रिया असेल. ऑस्ट्रेलियाची वेगवान जोडी पॅट कमिन्स आणि जोश हेजलवूड यांनी असेही म्हटले आहे की, बॅट आणि बॉलमध्ये संतुलन राखल्यामुळे लाल चेंडू चमकवणे अपरिहार्य आहे.

दुसरीकडे, जगात आतापर्यंत 3 लाखांहून अधिक मृत्यूची नोंद झाली आहे आणि कोरोना व्हायरसचा प्रसार रोखण्यासाठी जग सध्या सर्व प्रयत्न करत आहे. यापूर्वी जर्मनीमध्ये बुंडेस्लिगा, फुटबॉल लीगची सुरुवात झाली आहे.