India Beat Zimbabwe: यशस्वी-गिलची स्फोटक कामगिरी, भारताचा झिम्बाब्वेवर 10 गडी राखून विजय; मालिकाही घातली खिशात
दोन्ही संघांमधील हा सामना हरारे स्पोर्ट्स क्लब येथे झाला. चौथ्या टी-20 सामन्यात टीम इंडियाने झिम्बाब्वेचा 10 गडी राखून पराभव केला आहे. यासह टीम इंडियाने पाच सामन्यांच्या टी-20 मालिकेत 3-1 अशी आघाडी घेतली आहे.
IND vs ZIM 4th T20I: भारतीय राष्ट्रीय क्रिकेट संघ आणि झिम्बाब्वे क्रिकेट संघ यांच्यात आज पाच सामन्यांच्या टी-20 मालिकेतील चौथा सामना खेळला गेला. दोन्ही संघांमधील हा सामना हरारे स्पोर्ट्स क्लब येथे झाला. चौथ्या टी-20 सामन्यात टीम इंडियाने झिम्बाब्वेचा 10 गडी राखून पराभव केला आहे. यासह टीम इंडियाने पाच सामन्यांच्या टी-20 मालिकेत 3-1 अशी आघाडी घेतली आहे. तत्पूर्वी, चौथ्या टी-20 सामन्यात टीम इंडियाचा कर्णधार शुभमन गिलने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजी करण्यासाठी आलेल्या झिम्बाब्वे संघाने 20 षटकात 7 गडी गमावून 152 धावा केल्या. झिम्बाब्वेसाठी कर्णधार सिकंदर रझाने 48 धावांची शानदार खेळी केली. टीम इंडियाकडून खलील अहमदने सर्वाधिक दोन विकेट घेतल्या. लक्ष्याचा पाठलाग करण्यासाठी उतरलेल्या टीम इंडियाने एकही विकेट न गमावता अवघ्या 15.2 षटकांत हे लक्ष्य गाठले. टीम इंडियासाठी सलामीवीर यशस्वी जैस्वालने सर्वाधिक 93 नाबाद धावांची खेळी खेळली. या मालिकेतील पाचवा आणि शेवटचा टी-20 सामना उद्या हरारे येथे संध्याकाळी 4.30 वाजता खेळवला जाईल.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)