Death Penalty For Mob Lynching: देशात मॉब लिंचिंगसाठी आता फाशीची शिक्षा होणार, Amit Shah यांची संसदेत माहिती (Watch Video)

Death Penalty For Mob Lynching: केंद्रीय गृहमंत्री अमित शहा यांनी बुधवारी (20 डिसेंबर) लोकसभेत सांगितले की, 'मॉब लिंचिंग' हा एक भयानक गुन्हा आहे आणि ते नवीन कायद्यात मॉब लिंचिंगच्या गुन्ह्यासाठी फाशीच्या शिक्षेची तरतूद करत आहोत. यावेळी ते म्हणाले, 'मी काँग्रेसला विचारू इच्छितो की, तुम्ही देशावर वर्षानुवर्षे राज्य केले, तुम्ही मॉब लिंचिंगविरोधात कायदा का केला नाही? तुम्ही मॉब लिंचिंग हा शब्द फक्त आम्हाला शिव्या देण्यासाठी वापरला, पण जेव्हा ते सत्तेत राहिले तेव्हा ते कायदा करायला विसरले.'

ते म्हणाले, 'आम्ही कलम 370 आणि 35-ए हटवू, असे सांगितले होते, आम्ही ते काढून टाकले. आम्ही वचन दिले होते की आम्ही दहशतवाद संपवू, शून्य सहनशीलतेचे धोरण बनवू आणि सुरक्षा जवानांना हात देऊ, आम्ही ते केले. आम्ही सांगितले होते की, अयोध्येत राम मंदिर बांधले जाईल आणि आता 22 जानेवारी 2024 रोजी रामलल्लाचा अभिषेक होईल. हे पंतप्रधान नरेंद्र मोदी यांचे सरकार आहे, जे-जे बोलते ते-ते करते.' (हेही वाचा: Petrol Diesel Price: 'पेट्रोल-डिजेल दर स्थिर', भारतामध्ये इंधन दरात मोठी घट झाल्याचा केंद्र सरकारचा दावा)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)