CBSE Fake 'X' Handles: सीबीएसईने बोर्ड परीक्षेपूर्वी जाहीर केली 30 बनावट 'X' हँडलची नावे; फसवणूकीपासून सावध राहण्याचे आवाहन, पहा संपूर्ण यादी

CBSE Fake 'X' Handles: खोट्या बातम्या रोखण्यासाठी केंद्रीय माध्यमिक शिक्षण मंडळाने (CBSE) मोठे पाऊल उचलले आहे. सीबीएसई बोर्डाने एक्सवर (पूर्वीचे ट्विटर) बोर्डाचे नाव किंवा लोगो वापरणाऱ्या 30 सोशल मीडिया हँडलवर कारवाई केली आहे. बोर्डाला ही खाती दिशाभूल करणारी वाटली त्यामुळे त्यांनी विद्यार्थ्यांना फक्त अधिकृत X हँडल फॉलो करण्याचा सल्ला दिला आहे. अधिकृत नसलेल्या खात्यांचा वापर करून सर्वसामान्यांची दिशाभूल केली जाऊ शकते किंवा चुकीची माहिती दिली जाऊ शकते, असे बोर्डाचे म्हणणे आहे. बोर्डाने म्हटले आहे, ‘सोशल मीडिया प्लॅटफॉर्मवर कोणत्याही शैलीत सीबीएसईचे नाव आणि लोगो वापरून इतर कोणत्याही अनधिकृत स्त्रोताने दिलेल्या माहितीसाठी बोर्ड जबाबदार राहणार नाही.’ (हेही वाचा: Free Education for Girls in Maharashtra: मुलींना मोफत शिक्षण; मेडिकल, इंजिनिअरिंग 600 अभ्यासक्रमांना घेता येणार प्रवेश)

पहा यादी -