International Travel Guidelines: दोन वर्षांपासून बंद असलेली आंतरराष्ट्रीय उड्डाणे रविवारपासून सुरू, येथे जाणून घ्या नवीन प्रवास मार्गदर्शक तत्त्वे

कोरोनामुळे (Corona) जवळपास दोन वर्षांपासून बंद असलेली आंतरराष्ट्रीय उड्डाणे रविवारपासून पुन्हा सुरू होत आहेत. नागरी विमान वाहतूक मंत्रालयाने आंतरराष्ट्रीय उड्डाणे (International Travel Guidelines) सुरू करण्याबाबत मार्गदर्शक तत्त्वे जारी केली आहेत, ज्यामध्ये कोविड नियमांबाबत (Covid Rules) काही शिथिलता देण्यात आली आहे. नवीन नियमांनुसार, केबिन क्रूला फ्लाइटमध्ये पीपीई किट घालणे आवश्यक नाही. याशिवाय विमानतळावरील सुरक्षा कर्मचारी गरज पडल्यास त्याला स्पर्श करून प्रवाशांची तपासणी करू शकतात. याशिवाय वैद्यकीय आपत्कालीन परिस्थितीत विमान कंपन्यांना तीन जागा रिक्त ठेवण्याची गरज नाही.

नागरी उड्डाण मंत्रालयाने जारी केलेल्या आदेशात म्हटले आहे की, कोरोनाचे कमी होत असलेले प्रकरण आणि लसीकरण कार्यक्रम मोठ्या प्रमाणावर चालवण्याच्या आधारावर कोविड नियमांमध्ये ही सूट देण्यात येत आहे. हे नियम शिथिल केल्यानंतर हवाई वाहतूक सुरळीतपणे चालेल, असेही आदेशात म्हटले आहे. मात्र, विमानतळावर ये-जा करताना फेस मास्क लावणे, सोशल डिस्टन्सिंग पाळणे आणि हँड सॅनिटायझर वापरणे बंधनकारक असेल, असेही आदेशात स्पष्टपणे नमूद करण्यात आले आहे. (हे देखील वाचा: Petrol-Diesel Price Hike: वाढत्या इंधनदरवाढिचे नितिन गडकरीं यांनी सांगितले कारण)

या आदेशात म्हटले आहे की, हवाई मार्गावरील अशी कोणतीही वैद्यकीय आणीबाणी लक्षात घेऊन, विमान कंपन्या काही अतिरिक्त पीपीई किट, सॅनिटायझर आणि एन-95 मास्क फ्लाइटमध्ये ठेवू शकतात. विशेष म्हणजे, कोरोनामुळे गेल्या दोन वर्षांत विमान वाहतूक जगताचे मोठे नुकसान झाले आहे. मात्र, गेल्या दोन महिन्यांपासून विमान वाहतूक उद्योग पूर्वपदावर येऊ लागला आहे. फेब्रुवारीमध्ये 76.96 लाख लोकांनी देशांतर्गत हवाई प्रवास केला, जे जानेवारीच्या तुलनेत 20 टक्के अधिक आहे. सरकारने 18 ऑक्टोबर 2021 पासून देशांतर्गत विमान सेवा सुरू केली.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)