Virat Kohli Record: विराट कोहलीने विश्वचषकात केला अनोखा विक्रम, असा करणारा ठरला तो जगातील पहिला फलंदाज
टीम इंडियाने अफगाणिस्तानचा आठ विकेट्सनी पराभव करत या विश्वचषकात सलग दुसरा विजय नोंदवला आहे. या सामन्यात टीम इंडियाचा कर्णधार रोहित शर्माने (Rohit Sharma) शानदार शतक झळकावले. त्याचवेळी आपल्या घरच्या मैदानावर खेळताना टीम इंडियाचा स्टार फलंदाज विराट कोहलीनेही (Virat Kohli) नाबाद अर्धशतक झळकावले.
आयसीसी एकदिवसीय विश्वचषक 2023 चा (ICC Cricket World Cup 2023) नववा रोमांचक सामना टीम इंडिया आणि अफगाणिस्तान (IND vs AFG) यांच्यात खेळला गेला. दोन्ही संघांमधील हा सामना दिल्लीत खेळला गेला. या सामन्यात टीम इंडियाने अफगाणिस्तानचा आठ विकेट्सनी पराभव करत या विश्वचषकात सलग दुसरा विजय नोंदवला आहे. या सामन्यात टीम इंडियाचा कर्णधार रोहित शर्माने (Rohit Sharma) शानदार शतक झळकावले. त्याचवेळी आपल्या घरच्या मैदानावर खेळताना टीम इंडियाचा स्टार फलंदाज विराट कोहलीनेही (Virat Kohli) नाबाद अर्धशतक झळकावले. या खेळीदरम्यान 'किंग' कोहलीने एक मोठा विक्रम आपल्या नावावर केला. (हे देखील वाचा: Shubman Gill: भारतीय क्रिकेट चाहत्यांसाठी दिलासादायक बातमी, पाकिस्तानविरोधात शुभमन गिल उतरणार मैदानात? सरावाला केली सुरुवात)
विराट कोहलीने विश्वचषकात रचला इतिहास
अफगाणिस्तानविरुद्धच्या सामन्यात विराट कोहलीने 56 चेंडूत नाबाद 55 धावांची शानदार खेळी केली. किंग कोहलीने या इनिंगमध्ये 6 चौकार मारले. यासह विराट कोहलीने विश्वचषकात (वनडे आणि टी-20) सर्वाधिक धावा करण्याचा विक्रम केला आहे. हा विक्रम यापूर्वी माजी दिग्गज फलंदाज सचिन तेंडुलकरच्या नावावर होता. विराट कोहलीने आपल्या 53व्या विश्वचषकातील डावात 60 पेक्षा जास्त सरासरीने तेंडुलकरचा 2278 धावांचा टप्पा ओलांडला आहे. 2011 च्या विश्वचषकादरम्यान विराट कोहलीने त्याच्या पहिल्या विश्वचषक स्पर्धेत भाग घेतला होता.
विश्वचषकातील विराट कोहलीची आकडेवारी
'रन मशीन' विराट कोहलीने आतापर्यंत एकूण पाच टी-20 विश्वचषक स्पर्धेत भाग घेतला आहे आणि 25 डावांमध्ये 14 अर्धशतकांसह 81.50 च्या सरासरीने 1141 धावा केल्या आहेत. विराट कोहली महान फलंदाज सचिन तेंडुलकर आणि सौरव गांगुली यांच्यानंतर वनडे विश्वचषकात सर्वाधिक धावा करणारा तिसरा फलंदाज ठरला आहे. विराट कोहलीने वनडे वर्ल्ड कपमध्ये 1170 धावा केल्या आहेत.
आयसीसी विश्वचषक (वनडे + T20) मध्ये सर्वाधिक धावा
विराट कोहली - 53 डावात 2311
सचिन तेंडुलकर - 44 डावात 2278
कुमार संगकारा - 65 डावात 2193
ख्रिस गेल - 65 डावात 2151
सचिन तेंडुलकरचा विक्रम मोडला
टीम इंडियाचा स्टार फलंदाज विराट कोहलीने एकदिवसीय सामन्यात यशस्वी धावांचा पाठलाग करताना माजी दिग्गज फलंदाज सचिन तेंडुलकरचा 50 पेक्षा जास्त धावांचा विक्रम मोडला आहे. एकदिवसीय सामन्यात धावांचा पाठलाग करताना विराट कोहलीने 46 अर्धशतके झळकावली आहेत. त्याचवेळी सचिन तेंडुलकरने 45 वेळा हा पराक्रम केला होता.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)