PAK vs SA 1st T20I 2024 Key Players: दक्षिण आफ्रिका-पाकिस्तान पहिल्या टी-20 सामन्यात 'हे' खेळाडू करू शकतात कहर, आपल्या घातक कामगिरीने बदलू शकतात सामन्याचा मार्ग
SA vs PAK: दोन्ही संघांमधील हा सामना डर्बनमधील किंग्समीड येथे होणार आहे. दक्षिण आफ्रिकेला नुकतेच घरच्या मैदानावर टीम इंडियाविरुद्धच्या 4 सामन्यांच्या टी-20 मालिकेत 3-1 असा लाजिरवाणा पराभव स्वीकारावा लागला. दुसरीकडे, गेल्या महिन्यात ऑस्ट्रेलियाविरुद्धची टी-20 मालिका 3-0 ने गमावल्यानंतर पाकिस्तान संघ येत आहे.
South Africa National Cricket Team vs Pakistan National Cricket Team 1st T20 2024 Live Streaming: दक्षिण आफ्रिका राष्ट्रीय क्रिकेट संघ विरुद्ध श्रीलंका राष्ट्रीय क्रिकेट संघ यांच्यातील पहिला टी-20 सामना आज भारतीय वेळेनुसार रात्री 9.30 वाजता खेळवला जाणार आहे. दोन्ही संघांमधील हा सामना डर्बनमधील किंग्समीड येथे होणार आहे. दक्षिण आफ्रिकेला नुकतेच घरच्या मैदानावर टीम इंडियाविरुद्धच्या 4 सामन्यांच्या टी-20 मालिकेत 3-1 असा लाजिरवाणा पराभव स्वीकारावा लागला. दुसरीकडे, गेल्या महिन्यात ऑस्ट्रेलियाविरुद्धची टी-20 मालिका 3-0 ने गमावल्यानंतर पाकिस्तान संघ येत आहे. (हे देखील वाचा: SA vs PAK T20I Head To Head: दक्षिण आफ्रिका आणि पाकिस्तान यांच्यातील टी-20 आकडेवारीत कोण आहे वरचढ, येथे पाहा हेड टू हेड रेकाॅर्ड)
हेनरिक क्लासेनकडे संघाचे नेतृत्व
दक्षिण आफ्रिका सध्या आयसीसी पुरुषांच्या टी-20 संघ क्रमवारीत सहाव्या स्थानावर आहे, तर पाकिस्तान सातव्या स्थानावर आहे. एडन मार्करामच्या अनुपस्थितीत, हेनरिक क्लासेनची पाकिस्तानविरुद्धच्या दक्षिण आफ्रिकेच्या टी-20 संघाच्या कर्णधारपदी नियुक्ती करण्यात आली आहे. तर दुसरीकडे मोहम्मद रिझवान पुन्हा एकदा तीन सामन्यांच्या टी-20 मालिकेत पाकिस्तानचे नेतृत्व करताना दिसणार आहे.
मोहम्मद रिझवान: पाकिस्तानचा स्टार यष्टीरक्षक-फलंदाज मोहम्मद रिझवानची कामगिरी या सामन्यात निर्णायक ठरू शकते. पॉवरप्लेमधील त्याची स्थिरता आणि डेथ ओव्हर्समध्ये झटपट धावा काढण्याची क्षमता पाकिस्तानला मदत करू शकते.
आगा सलमान: आगा सलमान हा पाकिस्तानसाठी मधल्या फळीतील महत्त्वाचा खेळाडू आहे. तो केवळ स्थिरता देऊ शकत नाही तर अंतिम षटकांमध्ये मोठे फटके मारण्यातही तो पारंगत आहे. गोलंदाजीचा पर्याय म्हणूनही तो संघासाठी उपयुक्त ठरू शकतो.
सुफियान मुकीम: सर्वांच्या नजरा पाकिस्तानचा युवा गोलंदाज सुफियान मुकीमवर असतील. त्याची लाइन आणि लेन्थवर पकड आणि विकेट घेण्याची क्षमता दक्षिण आफ्रिकेच्या फलंदाजांसाठी अडचणी निर्माण करू शकते.
हेनरिक क्लासेन: दक्षिण आफ्रिकेचा आक्रमक फलंदाज आणि कर्णधार हेनरिक क्लासेन त्याच्या स्फोटक फलंदाजीसाठी ओळखला जातो. मधल्या फळीतील त्याची खेळी संघाची दिशा ठरवू शकते. अलीकडच्या सामन्यांमध्ये त्याने उत्कृष्ट फॉर्म दाखवला आहे.
डेव्हिड मिलर: डेव्हिड मिलरला ‘किलर मिलर’ म्हणून ओळखले जाते. त्याच्याकडे मोठे फटके खेळण्याची क्षमता आणि सामने पूर्ण करण्याचे कौशल्य आहे. डेथ ओव्हर्समध्ये तो संघासाठी गेम चेंजर ठरू शकतो.
ॲनरिक नॉर्टजे: दक्षिण आफ्रिकेचा वेगवान गोलंदाज ॲनरिक नॉर्टजेचा वेग आणि उसळी हे खेळपट्टीवरील फलंदाजांसाठी मोठे आव्हान असेल. नवीन चेंडूसह त्याची अचूक गोलंदाजी आणि यॉर्कर फेकण्याची कला पाकिस्तानच्या सर्वोच्च फळीला हादरवून टाकू शकते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)