खुशखबर! भारतीय फलंदाज सुरेश रैना आणि पत्नी प्रियांकाला झाली पुत्ररत्न प्राप्ती; CSK, हरभजन सिंह यांनी दिल्या शुभेच्छा
भारताचा डावखुरा फलंदाज आणि 'मिस्टर आयपीएल' या नावाने प्रसिद्धसुरेश रैनाच्या घरी पुन्हा एकदा पाळणा हलला आहे. सोमवारी रैनाची पत्नी प्रियंका रैनाने मुलाला जन्म दिला. कोरोना व्हायरसच्या धोक्यात रैनाच्या घरी आनंदाची बातमी समोर आली आहे. यापूर्वी हे जोडपे एका मुलीचे पालक बनले आहेत.
भारताचा डावखुरा फलंदाज आणि 'मिस्टर आयपीएल' (Mr IPL) या नावाने प्रसिद्धसुरेश रैनाच्या (Suresh Raina) घरी पुन्हा एकदा पाळणा हलला आहे. सोमवारी रैनाची पत्नी प्रियंका रैनाने (Priyanka Raina) मुलाला जन्म दिला. कोरोना व्हायरसच्या (Coronavirus) धोक्यात रैनाच्या घरी आनंदाची बातमी समोर आली आहे. यापूर्वी हे जोडपे एका मुलीचे पालक बनले आहेत. 2016 मध्ये प्रियंका रैनाने एका मुलीला जन्म दिला ज्याचे नाव तिने ग्रॅसिया रैना (Gracia Raina) ठेवले. यासह रैना आणि कुटुंबाला कन्या नंतर देवाने मुलाच्या रूपात आशीर्वाद दिला आहे. एकीकडे कोरोना विषाणूने संपूर्ण जगात कहर केला आहे. यामध्ये जगभरात हजारो लोकांनी प्राण गमावले गेले, या प्राणघातक विषाणूमुळे भारत अछूता राहू शकला नाही. या व्हायरसचा भारतातही मोठा परिणाम होत आहे. रैनाच्या घरी दुसऱ्यांदा पाळणा पाळण्याची बातमी चेन्नई सुपर किंग्स आणि हरभजन सिंह यांच्या ट्विटर अकाउंटवरून समोर आली.
इंडियन प्रीमियर लीगची (आयपीएल) फ्रेंचायझी चेन्नई सुपर किंग्जने (सीएसके) आपल्या अधिकृत ट्विटर हँडलवरून ही बातमी प्रसिद्ध केली असून भारताचा माजी फिरकीपटू हरभजन सिंहनेही सुरेश आणि प्रियांकाचे कुटुंबातील सर्वात नवीन सदस्याचे आगमन झाल्याबद्दल अभिनंदन केले.
कुट्टी थाला आला आहे!
मुलासाठी रैना आणि प्रियांकाचे अभिनंदन, हरभजनने लिहिले.
दरम्यान, कोविड-19 चा धोका लक्षात घेत बीसीसीआयने आयपीएलसह सर्व क्रिकेट कार्यक्रम रद्द केले आहेत. 2018 मध्ये टीम इंडियासाठी अखेरचा सामना खेळणारा रैना आयपीएलमधून पुनरागमन करणार पण, आता कोरोना व्हायरसमुळे त्याचे पुनरागमन लांबणीवर गेले आहे. शिवाय, भारतातील सर्वात आवडत्या क्रिकेटपटूंपैकी एक रैनाने डॉक्टर, परिचारिका आणि इतर जे त्यांचे आयुष्य धोक्यात घालववून देशाची सेवा करत आहेत अशांचेकौतुक करून रविवारीही त्यानेही अभिनंदन केले. असाच एक व्हिडिओ त्याने आपल्या सोशल मीडिया अकाउंटवर पोस्ट केला.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)