SRH vs GT (Photo Credit - X)

Sunrisers Hyderabad vs Gujarat Titans, 19th Match: टाटा आयपीएल 2025 चा (TATA IPL 2025) 19 वा (Indian Premier League 2025) सामना आज सनरायझर्स हैदराबाद आणि गुजरात टायटन्स (SRH vs GT) यांच्यात हैदराबादच्या राजीव गांधी आंतरराष्ट्रीय स्टेडियमवर (Rajiv Gandhi International Stadium, Hyderabad) संध्याकाळी 7.30 वाजता खेळला जाईल. सनरायझर्स हैदराबादची कमान पॅट कमिन्सच्या खांद्यावर आहे, तर गुजरात टायटन्सचे नेतृत्व शुभमन गिलकडे आहे. या हंगामात हैदराबादने आतापर्यंत 4 सामने खेळले असुन एकच सामना जिंकला आहे. याशिवाय, ते पॉइंट टेबलमध्ये तळाशी आहे. दुसरीकडे, गुजरात टायटन्सने आतापर्यंत तीन सामने खेळले असुन एका सामन्यात पराभव पत्कारावा लागला आहे. अशा परिस्थितीत आजचा सामना रोमांचक पाहायला मिळू शकतो.

हेड टू हेड रेकॉर्ड (SRH vs GT Head to Head)

आयपीएलच्या इतिहासात सनरायझर्स हैदराबाद आणि गुजरात टायटन्स यांच्यात एकूण पाच सामने खेळले गेले आहेत. या काळात, गुजरात टायटन्सने वरचढ कामगिरी केली आहे. गुजरात टायटन्स संघाने तीन सामने जिंकले आहेत. तर, सनरायझर्स हैदराबादने फक्त एकच सामना जिंकला आहे. त्याच वेळी, एका सामन्यात कोणताही निकाल मिळू शकला नाही. या हंगामात दोन्ही संघांमधील ही पहिलीच लढत असेल. आयपीएलच्या गेल्या हंगामात दोन्ही संघांमध्ये दोन सामने खेळले गेले होते. पहिला सामना पावसामुळे रद्द झाला. दुसऱ्या सामन्यात गुजरात टायटन्स संघाने 7 विकेट्सने विजय मिळवला. सनरायझर्स हैदराबादला यावेळी पुनरागमन करायचे आहे.

हे देखील वाचा: SRH vs GT IPL 2025 19 Match Pitch Report: हैदराबादच्या खेळपट्टीवर गोलंदाज की फलंदाज कोणाचे असणार वर्चस्व, वाचा पिच रिपोर्ट

कोणता संघ जिंकू शकतो आजचा सामना  (SRH vs GT Match Winner Prediction)

या सामन्यात सनरायझर्स हैदराबाद संघाचा वरचष्मा दिसत आहे. गुजरात टायटन्ससाठी हा सामना आव्हानात्मक असू शकतो, विशेषतः सनरायझर्स हैदराबादच्या मजबूत गोलंदाजी आणि फलंदाजीविरुद्ध. सनरायझर्स हैदराबादच्या अलीकडील कामगिरीकडे पाहता, ते स्पर्धेतील 19वा टी-20 सामना जिंकू शकतात. दोन्ही संघांमध्ये एक रोमांचक सामना पाहायला मिळतो.

सनरायझर्स हैदराबादची जिंकण्याची शक्यता: 52%

गुजरात टायटन्सच्या विजयाची शक्यता: 48%.

दोन्ही संघाची संभाव्य प्लेइंग 11

सनरायझर्स हैदराबाद- अभिषेक शर्मा, इशान किशन, नितीश कुमार रेड्डी, अनिकेत वर्मा, हेनरिक क्लासेन (विकेटकीपर), कामिंदू मेंडिस, पॅट कमिन्स (कर्णधार), हर्षल पटेल, सिमरजीत सिंग, मोहम्मद शमी, जीशान अन्सारी.

प्रभावशाली खेळाडू: ट्रॅव्हिस हेड

गुजरात टायटन्स- साई सुदर्शन, शुभमन गिल (कर्णधार), जोस बटलर (विकेटकीपर), शाहरुख खान, राहुल तेवतिया, अर्शद खान, रशीद खान, रविश्रीनिवासन साई किशोर, मोहम्मद सिराज, प्रसीध कृष्णा, इशांत शर्मा.

प्रभावशाली खेळाडू: शेरफेन रदरफोर्ड