Rohit Sharma Milestone: रोहित शर्माकडे इतिहास रचण्याची सुवर्णसंधी, असा पराक्रम करणारा ठरणार दुसरा फलंदाज
उद्याच्या सामन्यात, रोहित शर्मा त्याच्या नावावर एक मोठा विक्रम करण्यापासून फक्त काही धावा दूर आहे. आयपीएलच्या इतिहासात अशी कामगिरी करणारा रोहित शर्मा हा दुसराच खेळाडू ठरेल. रोहित शर्मापूर्वी फक्त एकाच खेळाडूला ही कामगिरी करता आली आहे.
Mumbai vs Lucknow: इंडियन प्रीमियर लीग 2025 चा 45 वा सामना रविवार म्हणजे 27 एप्रिल रोजी मुंबई इंडियन्स विरुद्ध लखनऊ सुपर जायंट्स (MI vs LSG) यांच्यात खेळला जाईल. दोन्ही संघांमधील हा सामना भारतीय वेळेनुसार दुपारी 3.30 वाजता मुंबईतील वानखेडे स्टेडियमवर खेळला जाईल. या हंगामात दोन्ही संघांची कामगिरी आतापर्यंत उत्कृष्ट राहिली आहे. या हंगामात मुंबई इंडियन्सचे नेतृत्व हार्दिक पांड्या करत आहे. तर, लखनौ सुपर जायंट्सची कमान ऋषभ पंतच्या खांद्यावर आहे. दरम्यान, उद्याच्या सामन्यात, रोहित शर्मा त्याच्या नावावर एक मोठा विक्रम करण्यापासून फक्त काही धावा दूर आहे. आयपीएलच्या इतिहासात अशी कामगिरी करणारा रोहित शर्मा हा दुसराच खेळाडू ठरेल. रोहित शर्मापूर्वी फक्त एकाच खेळाडूला ही कामगिरी करता आली आहे.
रोहित शर्माकडे इतिहास रचण्याची सुवर्णसंधी
इंडियन प्रीमियर लीगच्या इतिहासात सर्वाधिक धावा करणाऱ्या फलंदाजांच्या यादीत विराट कोहली अव्वल स्थानावर आहे. विराट कोहलीने 261 सामन्यांमध्ये एकूण 8396 धावा केल्या आहेत. या यादीत रोहित शर्मा दुसऱ्या स्थानावर आहे. रोहित शर्माने 265 सामन्यांमध्ये 6856 धावा केल्या आहेत. रोहित शर्माने 2 शतके आणि 45 अर्धशतके झळकावली आहेत. रोहित शर्मा आयपीएलमध्ये 7000 धावांचा टप्पा गाठण्यापासून फक्त 144 धावा दूर आहे. रोहित शर्माला या हंगामात कमीत कमी 5 सामने खेळायचे आहेत. अशा परिस्थितीत रोहित शर्माला हा विक्रम करण्याची सुवर्णसंधी असेल.
मुंबई पॉइंट्स टेबलमध्ये चौथ्या स्थानावर
लखनौविरुद्ध सामन्यात पुन्हा एकदा सर्वांच्या नजरा रोहित शर्मावर असतील. मुंबई इंडियन्सचा संघ सध्या पॉइंट्स टेबलमध्ये चौथ्या स्थानावर आहे. मुंबई इंडियन्सने या हंगामात आतापर्यंत एकूण नऊ सामने खेळले आहेत. या काळात मुंबई इंडियन्सने पाच सामने जिंकले आहेत आणि चार गमावले आहेत. सध्या मुंबई इंडियन्सचे एकूण 10 गुण आहेत.
रोहित शर्माची आयपीएल 2025 मध्ये आतापर्यंतची कामगिरी
रोहित शर्माने या हंगामात आतापर्यंत एकूण 8 सामने खेळले आहेत. रोहित शर्माने 8 डावांमध्ये एकूण 228 धावा केल्या आहेत. या काळात रोहित शर्माची सरासरी 32.57 आहे. यासह, हिटमॅनने 154.05 च्या स्ट्राईक रेटने गोलंदाजांचा सामना केला आहे. रोहित शर्माने दोन अर्धशतकी खेळी खेळल्या आहेत. याशिवाय, या हंगामात रोहित शर्माच्या बॅटमधून 18 चौकार आणि 15 षटकार लागले आहेत. रोहित शर्मा सध्या ऑरेंज कॅपच्या शर्यतीत 23 व्या स्थानावर आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)