IND vs BAN: ऋषभ पंतला दुखापत नाही? याच कारणामुळे त्याने टीम इंडियापासून स्वतःला केले वेगळे

IND vs BAN: ऋषभ पंत (Rishabh Pant) बांगलादेशविरुद्धच्या वनडे मालिकेतून बाहेर पडला आहे. गेल्या काही काळापासून त्याची कामगिरी काही विशेष नाही. पहिला सामना सुरू होण्याच्या काही तास आधी (IND vs BAN) बीसीसीआयने सांगितले की, वैद्यकीय संघाच्या सल्ल्यानुसार त्याला संघातून काढून टाकण्याचा निर्णय घेण्यात आला आहे. त्यांच्या जागी अन्य कोणाचाही समावेश करण्यात आला नाही. पण दरम्यान, पंत संघापासून वेगळे झाल्याची मोठी बातमी समोर येत आहे. वृत्तानुसार, पंतने स्वतः व्यवस्थापनाकडे मागणी केली होती की त्याला या मालिकेतुन बाहेर पडायचे आहे. टीम इंडियाला मालिकेत चांगली सुरुवात करता आली नाही. पहिल्या सामन्यात भारताला पराभवाला सामोरे जावे लागले. यष्टीरक्षक म्हणून खेळणाऱ्या केएल राहुलने महत्त्वाच्या प्रसंगी मेहदी हसनचा झेल सोडला.

ऋषभ पंतने सांगितली होती ही गोष्ट

क्रिकबझच्या बातमीनुसार, ऋषभ पंतवर कोविड-19 किंवा अनुशासनहीनतेचे कोणतेही प्रकरण नाही. बांगलादेशात आल्यानंतर ऋषभ पंतने कर्णधार रोहित शर्मा आणि प्रशिक्षक राहुल द्रविडला मालिकेतुन बाहेर पडायचे आहे असे सांगितले होते. पहिल्या एकदिवसीय सामन्यानंतर उपकर्णधार केएल राहुल म्हणाला होता की, खरे सांगायचे तर मला याबाबत माहिती नाही. यामागचे कारण मला माहीत नाही, फक्त वैद्यकीय पथकच संपूर्ण गोष्ट सांगू शकेल. (हे देखील वाचा: IND vs BAN ODI 2022: पहिल्या वनडेनंतर कर्णधार रोहित भडकला, 'या' खेळाडूंना मानले खरे पराभवाचे दोषी)

कसोटी मालिकेत पुनरागमन करण्याची आशा 

मिळालेल्या माहितीनुसार, ऋषभ पंत कसोटी मालिकेपूर्वी संघात सामील होऊ शकतो. 14 डिसेंबरपासून कसोटी मालिका सुरू होत आहे. अक्षर पटेल पहिल्या वनडेतही खेळला नव्हता. पहिल्या सामन्याच्या निवडीसाठी तो उपलब्ध नसल्याची माहिती बोर्डाने फक्त त्याच्याबद्दल दिली होती. पुढील 2 सामन्यांमध्ये तो खेळू शकेल, अशी अपेक्षा आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)