Rohit Sharma (Photo Credit - Twitter)

IND vs BAN: बांगलादेशविरुद्धच्या तीन सामन्यांच्या मालिकेतील पहिल्या सामन्यात (IND vs BAN) भारतीय संघाला एका विकेटने पराभव स्वीकारावा लागला. या काट्याच्या सामन्यात जिथे टीम इंडियाची फलंदाजी अवघ्या 186 धावांवर आटोपली, तिथे गोलंदाजांनी आपली पूर्ण ताकद पणाला लावली. मात्र शेवटच्या काही षटकांमध्ये क्षेत्ररक्षण आणि गोलंदाजीतील काही कमतरतेमुळे भारतीय संघाला या सामन्यात पराभवाला सामोरे जावे लागले. या सामन्यात भारतासाठी सर्वात मोठी अडचण ठरलेल्या मेहदी हसन मिराजने 38 धावांची नाबाद खेळी करत संघाला हरवलेला सामना जिंकून दिला. कर्णधार रोहित शर्माही (Rohit Sharma) काही खेळाडूंच्या कामगिरीवर खूश नव्हता आणि त्याने सामन्यानंतर मोठे वक्तव्य केले. या सामन्यानंतर रोहित शर्मानेही कबूल केले की संघाकडून फलंदाजी आणि क्षेत्ररक्षणात काही चुका झाल्या ज्यामुळे संघाला पराभवाला सामोरे जावे लागले.

शेवटच्या क्षणी चांगली गोलंदाजी केली नाही

सामन्यानंतर रोहित म्हणाला, 'हा खूप जवळचा सामना होता. त्या परिस्थितीत परत येण्यासाठी आम्ही खुप संघर्ष केला. आम्ही चांगली फलंदाजी केली नाही. 184 ही चांगली धावसंख्या नव्हती पण आम्ही खूप चांगली गोलंदाजी केली आणि त्यांनी शेवटपर्यंत संयम राखला. निश्चितपणे आम्ही शेवटपर्यंत चांगली गोलंदाजी करू शकलो असतो. पण आम्ही 40 षटके चांगली गोलंदाजी केली आणि विकेट्सही घेतल्या. (हे देखील वाचा: WTC: टीम इंडिया समोर अडचणी वाढल्या, आता 'वर्ल्ड टेस्ट चॅम्पियनशिप'च्या अंतिम फेरीत पोहोचण्याचा हा उरला आहे एकमेव मार्ग)

संघाची धावसंख्या कमी होती - रोहित शर्मा

रोहित पुढे म्हणाला, 'आमच्याकडे पुरेशा धावा नव्हत्या. आणि 25-30 धावांची मदत झाली असती. आम्ही 25 षटकांनंतर 240-250 पाहत होतो. जेव्हा तुम्ही विकेट्स गमावता तेव्हा हे कठीण असते. अशा विकेट्सवर कसे खेळायचे हे शिकून समजून घेतले पाहिजे. आम्हाला या विकेट्सची सवय असल्याने आमच्यासाठी कोणतीही गय नाही. दोन सराव सत्रांमध्ये ते कितपत सुधारणा करू शकतील हे मला खरोखर माहित नाही. मला खात्री आहे की हे खेळाडू शिकतील आणि आम्ही पुढच्या सामन्याची वाट पाहत आहोत. आशा आहे की आम्ही गोष्टी वळवू शकू. या परिस्थितीत आपण काय करावे हे आपल्याला माहीत आहे.