KKR vs SRH, IPL 2025 15th Match Live Scorecard: रघुवंशीचे अर्धशतक, नंतर अय्यर-रिंकूची स्फोटक खेळी; कोलकाताने हैदराबादला दिले 201 धावांचे लक्ष्य
हैदराबादने नाणेफेक जिंकून गोलंदाजी करण्याचा निर्णय घेतला. प्रथम फलंदाजीसाठी आलेल्या कोलकाताने हैदराबादसमोर 201 धावांचे लक्ष्य ठेवले आहे.
Kolkata Knight Riders vs Sunrisers Hyderabad: इंडियन प्रीमियर लीग 2025 (IPL 2025) चा 15 वा सामना आज कोलकाता नाईट रायडर्स विरुद्ध सनरायझर्स हैदराबाद (Kolkata Knight Riders vs Sunrisers Hyderabad) यांच्यात ईडन गार्डन्स, कोलकाता (Eden Gardens, Kolkata) येथे खेळवला जात आहे. या हंगामात, कोलकाताचे नेतृत्व अजिंक्य राहणे करत आहे. तर, हैदराबादची कमान पॅट कमिन्सच्या खांद्यावर आहे. कोलकाताने तीन सामन्यांमध्ये फक्त एकच विजय मिळवला आहे, तर, हैदराबाद संघालाही आतापर्यंत तीन पैकी फक्त एकच सामना जिंकता आला आहे. दरम्यान, हैदराबादने नाणेफेक जिंकून गोलंदाजी करण्याचा निर्णय घेतला. प्रथम फलंदाजीसाठी आलेल्या कोलकाताने हैदराबादसमोर 201 धावांचे लक्ष्य ठेवले आहे.
वेंकटेश अय्यरची 60 धावांची शानदार खेळी
नाणेफेक गमावल्यानंतर प्रथम फलंदाजीसाठी आलेल्या कोलकाताने 20 षटकात 6 गडी गमावून 200 धावा केल्या. कोलकाताकडून वेंकटेश अय्यरने 60 धावांची शानदार खेळी केली. त्याने 29 चेंडूत 7 चौकार आणि 3 षटकार मारले. त्याच्याशिवाय अंगकृष रघुवंशीने 50 आणि रिंकू सिंगने 32 धावांचे योगदान दिले.
दुसरीकडे, कर्णधार पॅट कमिन्सने सनरायझर्स हैदराबाद संघाला पहिले मोठे यश मिळवून दिले. सनरायझर्स हैदराबाद संघाकडून गोलंदाजीत मोहम्मद शमी, पॅट कमिन्स, झीशान अन्सारी, कामेंदु मेंडिस आणि हर्षल पटेल यांनी प्रत्येकी 1 बळी घेतला. दोन्ही संघांना हा सामना जिंकून स्पर्धेत दोन गुण मिळवायचे आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)