Punjab Beat Lucknow IPL 2025: पंजाब किंग्जने लखनौ सुपर जायंट्स 37 धावांनी केला पराभव, अर्शदीप आणि प्रभसिमरन सिंग बनले हिरो
या रोमांचक सामन्यात पंजाब किंग्जच्या संघाने लखनौ सुपर जायंट्सचा 37 धावांनी पराभव केला. यासह, पंजाब किंग्जच्या संघाने या हंगामात सातवा विजय मिळवला आहे. त्याआधी, लखनौने टाॅस जिंकून गोलंदाजी करण्याचा निर्णय घेतला आहे. प्रथम फलंदाजीसाठी आलेल्या पंजाबने लखनौसमोर 237 धावांचे लक्ष्य ठेवले. लक्ष्याचा पाठलाग करण्यासाठी आलेल्या लखनौचा संघ 199 धावा करु शकला.
Punjab Kings vs Lucknow Super Giants, TATA IPL 2025 54th Match: आयपीएल 2025 चा 54 सामना (IPL 2025) 4 मे रोजी पंजाब किंग्ज आणि लखनौ सुपर जायंट्स (PBKS vs LSG) यांच्यात हिमाचल प्रदेश क्रिकेट असोसिएशन स्टेडियम, धर्मशाळा येथे खेळवला गेला. या रोमांचक सामन्यात पंजाब किंग्जच्या संघाने लखनौ सुपर जायंट्सचा 37 धावांनी पराभव केला. यासह, पंजाब किंग्जच्या संघाने या हंगामात सातवा विजय मिळवला आहे. त्याआधी, लखनौने टाॅस जिंकून गोलंदाजी करण्याचा निर्णय घेतला आहे. प्रथम फलंदाजीसाठी आलेल्या पंजाबने लखनौसमोर 237 धावांचे लक्ष्य ठेवले. लक्ष्याचा पाठलाग करण्यासाठी आलेल्या लखनौचा संघ 199 धावा करु शकला.
प्रभसिमरन सिंगची 91 धावांची शानदार खेळी
प्रथम फलंदाजी करताना पंजाब किंग्जच्या संघाने निर्धारित 20 षटकांत पाच गडी गमावून 236 धावा केल्या. पंजाब किंग्जकडून स्फोटक सलामीवीर प्रभसिमरन सिंगने 91 धावांची सर्वोत्तम खेळी केली. या उत्कृष्ट खेळीदरम्यान, प्रभसिमरन सिंगने 48 चेंडूत सहा चौकार आणि सात षटकार मारले. प्रभसिमरन सिंग व्यतिरिक्त कर्णधार श्रेयस अय्यरने 45 धावा केल्या. लखनौ सुपर जायंट्सकडून आकाश महाराज सिंग आणि दिग्वेश सिंग राठी यांनी प्रत्येकी सर्वाधिक दोन विकेट घेतल्या. आकाश महाराज सिंग आणि दिग्वेश सिंग राठी यांच्याव्यतिरिक्त प्रिन्स यादवने एक विकेट घेतली.
अर्शदीप सिंगने घेतल्या तीन विकेट्स
लक्ष्याचा पाठलाग करण्यासाठी आलेल्या लखनौ सुपर जायंट्सचा संघ 20 षटकांत सात विकेट गमावून 199 धावा केल्या. लखनौ कडून आयुष बदोनीने सर्वाधिक 74 धावांची खेळी केली. या धमाकेदार खेळीदरम्यान, आयुष बदोनीने 40 चेंडूत पाच चौकार आणि पाच षटकार मारले. आयुष बदोनी व्यतिरिक्त अब्दुल समदने 45 धावा केल्या. त्याच वेळी, घातक वेगवान गोलंदाज अर्शदीप सिंगने पंजाब किंग्ज संघाला पहिले मोठे यश मिळवून दिले. पंजाब किंग्जकडून अर्शदीप सिंगने सर्वाधिक तीन विकेट्स घेतल्या. अर्शदीप सिंग व्यतिरिक्त, अजमतुल्लाह उमरझाईने दोन विकेट घेतल्या.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)