Irfan Pathan On Rohit Sharma: 'रोहित शर्मा एम एस धोनी आणि सौरव गांगुली यांचे मिश्रण', इरफान पठाण याचे मुंबई इंडियन्स कर्णधाराच्या लीडरशिपचे कौतुक
आयपीएल फ्रँचायझी मुंबई इंडियन्सने नुकत्याच संपुष्टात आलेल्या आयपीएलच्या 13व्या हंगामात पाचवे विजेतेपद जिंकले. मुंबई संघाच्या या विक्रमी कामगिरीनंतर कर्णधार रोहित शर्माच्या नेतृत्व कौशल्यांचे चहूबाजूने कौतुक होत आहे. माजी भारतीय अष्टपैलू इरफान पठाण शर्माच्या लीडरशिपने फार प्रभावित झाला आणि त्याने सलामीवीरला एमएस धोनी आणि सौरव गांगुली यांचे मिश्रण म्हटले.
आयपीएल (IPL0 फ्रँचायझी मुंबई इंडियन्सने (Mumbai Indians) नुकत्याच संपुष्टात आलेल्या आयपीएलच्या 13व्या हंगामात पाचवे विजेतेपद जिंकले. मुंबई संघाच्या या विक्रमी कामगिरीनंतर कर्णधार रोहित शर्माच्या (Rohit Sharma) नेतृत्व कौशल्यांचे चहूबाजूने कौतुक होत आहे. माजी भारतीय फलंदाज वीरेंद्र सेहवागने टी-20 क्रिकेटमधील सर्वोत्तम कर्णधार म्हणून हिटमॅनचे कौतुक केले तर गौतम गंभीरने भारतीय क्रिकेट नियामक मंडळाला (BCCI) व्हाईट बॉल क्रिकेटमध्ये रोहितला कर्णधार बनविण्याचा सल्ला दिला.रोहितने आयपीएलच्या अंतिम (IPL Final) सामन्यात फॉर्ममध्ये असलेल्या वेगवान गोलंदाज जसप्रीत बुमराहऐवजी ऑफस्पिनर जयंत यादवला नवा चेंडू देऊन आणखी एक मास्टरस्ट्रोक मारला. यादवने फॉर्ममध्ये असलेले सलामीवीर शिखर धवनला अवघ्या 15 धावांवर माघारी धाडलं. माजी भारतीय अष्टपैलू इरफान पठाण (Irfan Pathan) शर्माच्या लीडरशिपने फार प्रभावित झाला आणि त्याने सलामीवीरला एमएस धोनी (MS Dhoni) आणि सौरव गांगुली (Sourav Ganguly) यांचे मिश्रण म्हटले. (On This Day in 2014: रोहित शर्माने आजच्या दिवशी खेळली होती 264 धावांची विश्वविक्रमी खेळी, पाहा 'त्या' शानदार डावाची झलक Watch Video)
"यादवचा ज्या पद्धतीने त्याचा वापर केला ते त्याचा क्लास दाखवला. कोणताही कर्णधार वेगवान गोलंदाजांसह गेला असता. रोहितने आपली वृत्ती वापरली. त्यावरून त्याची विचारसरणी किती स्पष्ट झाली हे दिसून आले. तो गोलंदाजांचा कर्णधार असल्याचे दाखवून दिले," इरफान पठाण म्हणाला. "तो धोनी आणि गांगुली यांचे मिश्रण आहे. गांगुलीने आपल्या गोलंदाजांवर विश्वास ठेवला आणि त्यातून पुढे गेला. धोनीने आपल्या गोलंदाजांवर विश्वास ठेवला पण, नेहमीच आपल्या अंतःप्रेरणाने निर्णय घेतला," तो पुढे म्हणाला. पठाणने रोहितच्या मॅने-मॅनेजमेंट कौशल्यामुळे त्याला पांढऱ्या बॉल क्रिकेटमध्ये एक हुशार कर्णधार कसे बनविले यावर अधिक प्रकाश टाकला.
"एक खेळ जवळ आला होता, म्हणून त्याने 17व्या षटकात बुमराहचा वापर केला, तो सहसा 18व्या ओव्हरमध्ये बुमराहचा वापर करतो. बुमराहने एमआयच्या बाजूने खेळ परत आणला. त्याने पोलार्डचा कसा उपयोग केला ते पहा, त्याने सुरुवातीला गोलंदाजी केली नाही, परंतु जेव्हा विकेटची दुहेरी गती होती तेव्हा त्याने पोलार्डचा वापर केला,” पठाणने मत व्यक्त केले. दरम्यान, हॅमस्ट्रिंगच्या दुखापतीमुळे आयपीएल 2020 मध्ये काही सामन्यांना मुकलेल्या रोहितला ऑस्ट्रेलियाविरुद्ध टी-20 आणि वनडे संघात स्थान मिळाले नाही. तथापि, तो 17 डिसेंबरपासून सुरू होणार्या चार सामन्यांच्या कसोटी मालिकेत भाग घेईल.