IPL 2022 Final: पहिल्या संधीतच गुजरात मारणार बाजी, ‘या’ 5 कारणांमुळे डेब्यू सिझनमध्ये बनू शकते आयपीएल चॅम्पियन

IPL 2022 Final: सध्या सुरु असलेल्या इंडियन प्रीमियर लीगमध्ये (Indian Premier League) नवीन फ्रँचायझी गुजरात टायटन्स (Gujarat Titans) हा एक परिपूर्ण संघ ठरला आहे. मेगा लिलावादरम्यान तयार केलेल्या त्यांच्या संघामुळे अनेकांनी त्यांना प्ले ऑफमध्ये प्रवेश करण्याची संधी दिली नाही. गुजरात टायटन्सने उत्कृष्ट क्रिकेटचा खेळ प्रदर्शित केला आहे आणि सर्व परिस्थितीत विजय खेचून आणला आहे. आणि आता हार्दिक पांड्याच्या (Hardik Pandya) नेतृत्वाखालील संघ आयपीएल (IPL_ 2022 चॅम्पियन बनण्यापासून फक्त एक सामना दूर आहे. आयपीएल ट्रॉफी जिंकण्यासाठी पॉईंट टेबलमधील अव्वल, गुजरात टायटन्स, संघ प्रबळ दावेदार मानला जात आहे. बर्‍याच गोष्टींनी गुजरातच्या पक्षात काम केल्या आहेत. सर्वात महत्वाचे म्हणजे हार्दिक हा कर्णधार म्हणून अपवादात्मक ठरला. त्याने आपल्या खेळाडूंना पाठीशी घातले आहे. राशिद खान आणि मोहम्मद शमी यांनी योग्य लाईन व लेंथने गुजरातसाठी उत्कृष्ट गोलंदाजी केली. (GT vs RR, IPL 2022 Final: जोस ‘द बॉस’ बटलरकडे ‘विराट’ विक्रम मोडण्याची अंतिम संधी, बनू शकतो आयपीएलचा ‘किंग’!)

1. हार्दिक पांड्याची नेतृत्व क्षमता

हार्दिक पांड्याच्या नेतृत्वगुणांवर अनेक तज्ञांनी विश्वास नाही. सर्वात वाईट म्हणजे अष्टपैलू खेळाडू स्वतः आयपीएल हंगामापूर्वी पूर्ण तंदुरुस्तीकडे परतत होता. हार्दिकला त्याची लय सापडली आणि त्याने चौथ्या क्रमांकावर फलंदाजी केली. गोलंदाजीतही पुनरागमन करत त्याने काही सामन्यांमध्ये त्याने चार षटके टाकली. तथापि, उत्कृष्ट नेतृत्व क्षमता ही सर्वात त्याची मोठी सकारात्मकता ठरली. अष्टपैलू खेळाडूने मॅथ्यू वेड, यश दयाल आणि साई किशोर यांसारख्या खेळाडूंचे समर्थन केले. त्यांना मुक्त फलंदाजी करण्याचे स्वातंत्र्य दिले. तसेच गुजरात कर्णधार तणावपूर्ण स्थितीत धावांचा पाठलाग करताना शांत राहिले आणि त्यामुळे संघाला 7 सामने जिंकण्यात मदत झाली. पांड्याने आव्हाने पेलली आहेत आणि बर्‍याच प्रसंगी तो अव्वल ठरला आहे.

2. पावरफुल गोलंदाजी क्रम

गुजरातची सर्वात मोठी ताकद - पावरफुल गोलंदाजी आक्रमण आहे. मोहम्मद शमी, राशिद खान, यश दयाल, लॉकी फर्ग्युसन आणि साई किशोर यांनी नियमितपणे विकेट्स दिल्या आहेत. अगदी अल्झारी जोसेफनेही चांगली भर घातली आहे. दयाल आणि जोसेफ ते ताशी 145 किमी वेगाने क्रॅंक करू शकतात. तर राशिद मधल्या षटकांमध्ये धावांवर लगाम घालू शकतो. त्याचा इकॉनॉमी रेट फक्त 6.74 आहे. स्टार स्पिनरने मधल्या आणि शेवटच्या षटकांमध्ये 18 बळी घेतले आहेत. साई किशोर देखील त्याच्या ऑफ-स्पिनसह आणि शमी संघाचा प्रभावी गोलंदाज आहे.

3. भरवश्याचे फिनिशर

गुजरात टायटन्सने आयपीएल 2022 च्या अंतिम षटकात धावांचा पाठलाग करताना तब्बल 7 सामने जिंकले आहेत. टी-20 लीगमधील फ्रँचायझीद्वारे हे सर्वाधिक आहे आणि ते केवळ डेव्हिड मिलर व राहुल तेवतिया या त्यांच्या दोन उत्कृस्ट फिनिशर्समुळे. जेव्हा जेव्हा संघ अडचणीत होता तेव्हा दोन डावखुऱ्या फलंदाजांनी फटकेबाजी करत संघाला विजयीरेष ओलांडून दिली आहे. मिलरने 64.14 च्या सरासरीने 449 धावा केल्या आहेत. हार्दिक पांड्यानंतर तो संघाचा सर्वात सातत्यपूर्ण खेळाडू आहे. दुसरीकडे, तेवतियाने 15 सामन्यात 217 धावा केल्या आहेत.

4. चांगले युवा खेळाडू

संघाने त्यांचे युवा खेळाडू साई किशोर आणि यश दयाल यांना पाठिंबा दिला आहे. साईला लीग टप्प्यात उशिरा संधी देण्यात आली, तर दयालने सुरुवातीपासून काही सामने खेळले आहेत. दोन्ही खेळाडूंवर व्यवस्थापन आणि कर्णधाराचा विश्वास आहे. साई सुदर्शननेही त्याला मिळालेल्या काही संधींमध्ये चांगला खेळ केला आहे. किशोरने चार सामन्यात तितकेच विकेट्स घेतले आहेत, तर दयालने 8 गेममध्ये 10 विकेट्स घेतल्या आहेत.

5. अहमदाबादला खेळतोय, घरच्या चाहत्यांचा आधार

घरच्या प्रेक्षकांसमोर कदाचित गुजरातला या आयपीएल फायनलचा अंदाज आला नसेल. पण अहमदाबादमध्ये त्यांच्या घरच्या चाहत्यांसमोर त्यांना चॅम्पियन बनण्याची ही सुवर्णसंधी मिळाली आहे. तब्ब्ल 65,000 लोकांसह खचाखच भरलेले स्टेडियम गुजरातसाठी चेअर करत आहे. यामुळे त्यांना प्रोत्साहन मिळू शकते आणि हार्दिकच्या नेतृत्वाखालील संघ कदाचित त्यांच्या पदार्पणाच्या हंगामात एक विजेता म्हणून उदयास येईल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)