IPL 2021: रिषभ पंतच्या ‘या’ चुकीमुळे दिल्ली कॅपिटल्स ठरली अपयशी, प्रशिक्षक Ricky Ponting यांनी दिली कबुली

IPL 2021: आयपीएल (IPL) 14 मध्ये गुरुवार, 15 एप्रिल रोजी खेळलेल्या सामन्यात राजस्थान रॉयल्सने (Rajasthan Royals) दिल्ली कॅपिटल्सचा (Delhi Capitals) तीन विकेटने पराभव केला. या पराभवानंतर संघातील अनुभवी गोलंदाज आर अश्विनला (R Ashwin) गोलंदाजी न देणे ही दिल्ली कॅपिटल्सची सर्वात मोठी चूक असल्याचे कॅपिटल्सचे मुख्या प्रशिक्षक रिकी पाँटिंग (Ricky Ponting) यांनी म्हटलं आहे. ऑफ स्पिनरने कॅपिटल्सच्या 148 धावांच्या लक्ष्याचा बचाव करताना एकही चौकार न देता 7व्या, 9व्या आणि 11व्या ओव्हरमध्ये गोलंदाजी केली. तरीही  कर्णधार श्रेयस अय्यरच्या अनुपस्थितीत संघाचे नेतृत्व करणाऱ्या रिषभ पंतने (Rishabh Pant) सर्वांना चकित करत क्विजवर डेविड मिलर व राहुल तेवतिया हे दोन डावखुरे फलंदाज उपस्थितीत असताना अश्विनला अखेरच्या ओव्हरसाठी बोलावले नाही. प्रशिक्षक रिकी पॉन्टिंग देखील पंतच्या या निर्णयामुळे चकित झाले आणि तो याविशीय पंतशी चर्चा करणारी असल्याचं सांगितलं. (RR vs DC IPL 2021: दिल्लीविरुद्ध धमाल करून सामना जिंकणाऱ्या Chris Morris याला लिलावत किती पैसे मिळाले हे जाणून तुमचं तोंड बंद होणार नाही!)

“जेव्हा आम्ही संघ म्हणून एकत्र होतो तेव्हा नक्कीच आम्ही याबद्दल बोलू. अश्विनने 3-0-14-0 शी सुंदर गोलंदाजी केली होती आणि एक चौकारदेखील दिला नव्हता. पहिला सामना त्याचा चांगला गेला नाही आणि गेल्या काही दिवसांत त्याने खरोखर खूप मेहनत केली व या सामन्यामध्ये गोष्टी मिळवून देण्यासाठी अ‍ॅडजेस्ट केले,” रिकी पॉन्टिंग यांनी सामन्यानंतर पत्रकार परिषदेत सांगितले. त्यांनी पुढे म्हटले, “त्याने आज रात्री सुंदर गोलंदाजी केली आणि ही (त्याचा पूर्ण कोटा गोलंदाजी न करणे) आमच्या वतीने चूक होती, नंतर आम्ही संघ म्हणून याविषयी चर्चा करू.” माजी ऑस्ट्रेलियन कर्णधाराने आणखी एक चूक दाखविली ती म्हणजे वेगवान गोलंदाजांनी बरेच “सोपे बॉल” दिले - जसे की क्रिस मॉरिसच्या अगदी स्लॉटमध्ये ज्याने याचा फायदा घेत 7 चौकार आणि 4 षटकार ठोकले. कगिसो रबाडा आणि टॉम कुरनकडून शेवटच्या 10 चेंडूंमध्ये मॉरिसने 29 धावा फटकावल्या.

दरम्यान, राजस्थानला अखेरच्या पाच ओव्हरमध्ये विजयासाठी 58 धावांची गरज होती. मॉरिसने अखेरच्या दोन षटकांत नाबाद 36 चेंडूत 36 धावा केल्या आणि रॉयल्सला दोन चेंडू शिल्लक राखून विजय मिळवून दिला. मॉरिसची खेळी संघासाठी गेमचेंजर ठरली. यासह कॅपिटल्सने आता एक सामना जिंकला आहे आणि दुसरा गमावला असून रविवारी त्यांच्यापुढे केएल राहुलच्या पंजाब किंग्जचे आव्हान असेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)