IPL 2020: मुंबई इंडियन्स संघ मालक निता अंबानी यांनी कीरोन पोलार्डला केला फोन, 'या' विशेष कामगिरीबद्दल केलं कौतुक (Watch Video)

वेस्ट इंडीजचा अष्टपैलू खेळाडू कीरोन पोलार्ड (Kieron Pollard) इंडियन प्रीमियर लीगच्या (Indian Premier League) इतिहासातील सर्वात मोलाचा खेळाडू ठरला आहे. यापूर्वी जुन्या वॉरहॉर्सला कदाचित पूर्वीसारख्या सामन्यात जास्त चेंडू खेळण्याची संधी मिळाली नाही, परंतु एमआय (MI) थिंक टँकने पोलार्डवर प्रचंड विश्वास ठेवला आहे. पोलार्डने नेहमीच संघासाठी अत्यंत दडपणाच्या परिस्थितीत सामना जिंकून कामगिरी बजावली आहे. आयपीएल 2020 च्या एमआयच्या दुसर्‍या सामन्यादरम्यान, पोलार्डने नवीन टप्पा गाठला होता आणि आयपीएलमध्ये (IPL) 150 सामने खेळणारा मुंबई इंडियन्सचा (Mumbai Indians) पहिला खेळाडू ठरला होता. सामन्यापूर्वी, पोलार्डला मुंबईच्या अव्वल व्यवस्थापनाने स्पेशल टीम जर्सी दिली. शुक्रवारी मुंबई इंडियन्सने अधिकृत ट्विटर अकाउंटवर एक व्हिडिओ पोस्ट केला ज्यामध्ये फ्रँचायझीची मालक नीता अंबानी (Nita Ambani) यांनी पोलार्डचे फोन करून अभिनंदन केले. (KKR vs MI, IPL 2020: मुंबई इंडियन्सने कीरोन पोलार्डला कोलकाताविरुद्ध सामन्यापूर्वी दिली खास भेट, 'हा' पराक्रम करणारा बनला पलटनचा पहिला खेळाडू)

मुंबई इंडियन्सने ट्विट केले की, “एमआय ड्रेसिंग रूममधील व्हिडिओ कॅमेरा: श्रीमती नीता अंबानी यांनी पॉलीला एमआयसाठी 150व्या आयपीएल उपस्थितीबद्दल अभिनंदन करण्यासाठी फोन केला.” 2010 मध्ये मुंबई इंडियन्सने पोलार्डला परत विकत घेतले आणि तेव्हापासून तो संघाचा अविभाज्य भाग बनला आहे. जेम्स बॉन्डसह पोलार्ड 2010 आयपीएलमधील संयुक्तपणे सर्वात महागडा खेळाडू होता. मुंबईने त्याला 4.8 कोटी रुपयात खरेदी केले होते. मुंबई इंडियन्ससाठी आजवर खेळलेल्या सामन्यांमध्ये पोलार्डने कठीण परिस्थितीत बॅटने टीमचे नेतृत्व केले आहे. दरम्यान, एका फ्रँचायझीकडून सर्वाधिक सामने खेळणारा पोलार्ड आयपीएलचा चौथा खेळाडू आहे. रॉयल चॅलेंजर्स बंगळुरूचा कर्णधार विराट कोहलीने 178, त्यानंतर चेन्नई सुपर किंग्ज जोडी - सुरेश रैना (164) आणि एमएस धोनी (162) यांनी सर्वाधिक सामने खेळले आहेत. पोलार्ड या यादीत चौथा आहे, तर मुंबईचा कर्णधार रोहित शर्मा 145 सामन्यासह पाचव्या स्थानावर आहे.

दुसरीकडे, युएईमध्ये चेन्नई सुपर किंग्सविरुद्ध पहिल्या सामन्यात पराभवानंतर टीमने जोरदार पुनरागमन केले आणि कोलकाता नाईट रायडर्सचा 49 धावांनी धुव्वा उडवला. या विजयसह मुंबईने 13व्या हंगामातला पहिला आणि युएईमधील पहिला विजय नोंदवला. यापूर्वी, 2014 मध्ये आयपीएलचे काही सामने युएईत खेळवण्यात आले. मुंबईला यापैकी पाचही सामन्यांत पराभवाचा स्विकार करावा लागला होता.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)