IND Beat BNG, ICC T20 WC 2022: भारतीय संघाने बांगलादेशचा पराभव करून उपांत्य फेरीतील स्थान केले जवळपास निश्चित
तत्पूर्वी, विराट कोहली (नाबाद 64) आणि केएल राहुल (50) यांच्या शानदार अर्धशतकांच्या जोरावर भारताने बांगलादेशसमोर 185 धावांचे लक्ष्य ठेवले होते.
अ‍ॅडलेडमध्ये बुधवारी झालेल्या टी-20 विश्वचषकाच्या सुपर 12 सामन्यात भारताने बांगलादेशचा (IND vs BNG) पराभव केला. या विजयासह भारतीय संघाने (Team India) उपांत्य फेरीतील (Semi Finals) आपले स्थान जवळपास पक्के केले आहे. डकवर्थ लुईस नियमानुसार टीम इंडियाने हा सामना 5 धावांनी जिंकला. तत्पूर्वी, विराट कोहली (नाबाद 64) आणि केएल राहुल (50) यांच्या शानदार अर्धशतकांच्या जोरावर भारताने बांगलादेशसमोर 185 धावांचे लक्ष्य ठेवले होते. भारतीय संघाने 20 षटकात 6 गडी गमावून 184 धावा केल्या. (हे देखील वाचा: विराट कोहली T20 World Cup चा बनला नवा 'किंग', महेला जयवर्धनेला टाकले मागे)
बांगलादेशकडून हसन महमूदने तीन आणि शकीब अल हसनने दोन गडी बाद केले. तत्पूर्वी, नाणेफेक हारल्यानंतर फलंदाजी स्वीकारताना भारतीय संघाने पॉवरप्लेमध्ये 1 गडी गमावून 37 धावा केल्या. यादरम्यान कर्णधार रोहित शर्मा (2) महमूदकरवी झेलबाद झाला. यानंतर सलामीवीर केएल राहुल आणि विराट कोहलीने डाव पुढे नेला. यानंतर 10 षटकांत 31 चेंडूत अर्धशतक पूर्ण केल्यानंतर राहुलने शकीबला झेलबाद केले. राहुलने 32 चेंडूत 50 धावा करताना तीन चौकार आणि चार षटकार ठोकले.